RAL-ip Arctic Umiaq Line tamakkiisumik tigugaa

Air Greenlandip ukiuni qulini Arctic Umiaq Linemik ingerlatseqataareerluni manna piginneqataassutsini 50 procentiusoq tuniniarlugu aaliangersimasoq, Arctic Umiaq Linemi siulersuisut siulittaasuata, Flemming Knudsenip, tusagassiutinut nalunaarutigaa.

Air Greenlandi piginneqataassutsini, juunip 30-ani atuutilersumik, Royal Arctic Linemut isumaqatigiissusiorluni tunisimagai Flemming Knudsen ilisimatitsivoq.

Aamma atuaruk AUL-ip siunissaa nalunartoqartoq

Arctic Umiaq Linep Namminersorlutik Oqartussallu amigartooruteqarnermut qularnaveeqqusiinissamik isumaqatigiissutaat 2016-mi decemberip ulluisa 31-anni naammassippat piginneqatigiiffiup ingerlatai Namminersorlutik Oqartussat isumaqatigiissuteqarfigalugit Royal Arctic Linep ingerlateqqinnialerpai.

- Arctic Umiaq Line 2006-imili ingerlatsinermut atatillugu annertuumik Royal Arctic Line-imut attuumassuseqarsimavoq. AUL-ip umiarsuaanik ingerlatseqqinnissaq aqqutigalugu umiarsuaatileqatigiiiffiup pingaarnertut suliarisartagai, tassalu inuttalersuineq teknikkikkullu aserfallatsaaliuisarneq, tunuliaqutserlugit ikorfartussavai, Flemming Knudsen tusagassiutinut allappoq.