Afghanistanimi arnat takussaajunnaartut
Talibanit ingasaassiniat Afghanistamik tiguaanerannit ullut ikittunnguit qaangiunerisa kingorna arnat takussaajunnaarput.
Arnat tv-ikkut aallakaatitani, universitetini inatsisartunilu takussaajunnaarput.
AAMMA ATUARUK Afghanistanimi eqqissineqarnissaa pillugu Nuummi malunnartitsiniaasoqartoq
Afghanistanimi arnat tusaaneqarnissartik kiinnaminnillu assersuiunnaarnissartik anguniarlugu ukiut 20-it kingulliit ilungersuuteqarput.
Ineriartornerlu maanna utertinneqarpoq.
AAMMA ATUARUK Inuit 9000-t Afghanistanimeersut USA-meersunit qimagutitinneqartut
Nunat tamalaat akornanni ikiuiniaqatigiiffiit assigiinngitsut nittartagaanni arnat assingi peerneqarput, taakkua Afghanistanimiuupput atorfilittut pingaarutilittulluunniit inissisimasut.
- Suleqatitta arnat niviarsiaqqallu isumannaatsumik sulisinnaanissaat qulakkiisallugu suliassatta pingaarnersaraat, Mohammad Naciri, Asiami Naalagaaffiit Peqatigiit arnat angutillu naligiissitaanissaanik suliniuteqartut pisortaat taama oqarpoq.