Inuit 9000-t Afghanistanimeersut USA-meersunit qimagutitinneqartut
![](/sites/default/files/styles/image_934x467/public/article_images/20210820-073754-l-1920x1280we.jpg?itok=JG3n0wqY)
Inuit 9000-it Afghanistanimit USA-meersunit arfininngormalli qimagussuutsinneqarput.
Inuit 3000-it misaaniittut timmisartunut assigiinngitsunut 16-inut ilaatillugit USA-neersunit sisamanngormat qimagussuutsinneqarput.
Taakkunani 350-it Amerikamiusut innutaassuseqarput.
USA-p præsidentiata illorsuani, Det Hvide Husimi oqaaseqartittagaq, taama oqarpoq.
AAMMA ATUARUK Afghanistanimi præsidenti ilaquttanilu nunamut allamut qimaasut
Qimagussuutsinneqartuni Amerikamiusut innuttaassuseqartut 350-it, saniatigut Amerikamiusut innuttaasusseqartunut ilaqutaasut arlaqartut qimagussuunneqartunut ilaapput.
Afghanistanimiut Amerikamiut naalagaaffianik sullissisut qimagussuutsinneqartunut ilaapput, taakkua nunat killiit Afghanistanimiikkallarmata amerlapput.
Afghanistanip illoqarfiiisa pingaarnersaannit Kabulimit qimasuutsitsinerit pillugit, Kalaallit Nunaanni nalunaaqutaq malillugu pingasunut, USA-mi præsidenti Joe Biden ullumi tallimanngornermi, tusagassiortunik katersortitsissaaq.