Afghanistanimi præsidenti ilaquttanilu nunamut allamut qimaasut

Afghanistanip præsidentia Ashraf Ghani nunaminit qimaasoq, ilaquttani peqatigalugit maanna De Forenede Arabiske Emiraterimiippoq.

De Forenede Arabiske Emiraterit nunanut allanut tunngasunut ministereqarfia taama ilisimatitsivoq.

Præsidenti videoliakkut immiunneqarsimasukkut pingasunngornermi unnukkut oqaaseqarpoq.

AAMMA ATUARUK Afghanistanimiut 640-t sakkutuut timmisartuanik ilaallutik Kabulimiit annaanneqartut

Afghanistanimi muslimit ingasaassiniat Talibanit, Afghanistanip illoqarfiisa pingaarnersaannut Kabulimut aggustip ulluisa 15-ianni isaalermata Ashraf Ghani Afghanistanimit qimaavoq.

Ghani sumunnarsimanersoq pisortatigoortumik maannamut nalunaarutigineqarsimanngilaq. Ghanili ilaqutaasalu Kangia Qiterlermi nunamut De Forenede Arabiske Emiraterinukarsimasut pingasunngornermi nalunaarutigineqarpoq.

Afghanistanimi aammik kuutsitsineqannginnissaa pillugu Afghanistanimit qimaasariaqartutut misigisimalluni, Ashraf Ghanip videoliakkut pingasunngornermi nammineq nassuiaatigaa .

AAMMA ATUARUK SAS-ip timmisartorsua Afghanistamit 84-inik ilaasoqarluni Københavnimut tikittoq

Ashraf Ghani Afghanistanimi 2014-imili præsidentiuvoq. Taassuma naalakkersuisoqataalu nunanit killernit tapersersorneqarput.

Afghanistanimiillu qimaareersorlu muslimit ingasaassiniat Talibanit Afghanistanimi pissaaneq tiguaat. Nutaamilli suli naalakkersuisoqatigiiliortoqanngilaq, naalakkersuinikkullu siuttussamik suli aamma ivertitsisoqarnani.

Afghanistanimi ullualuit ingerlaneranni sakkuaattoqangaatsiareersorlu Talibanit Kabul sapaatiummat tiguarpaat.

/ritzau/Reuters