SAS-ip timmisartorsua Afghanistamit 84-inik ilaasoqarluni Københavnimut tikittoq
SAS-ip timmisartua Købehavnimut sisamanngornermi ullaakkut tikippoq, Aghanistanimiut 84-it qimagussuutsinneqartut tassunga ilaapput.
Qimagussuutsinneqarput amerlanerit Afganistanimiuupput, danskit aallartitaqafianni sulisut taakkualu ilaqutaat.
Qimagussuutsinneqartut inissinneqarnissaat ikiuniaqatigiiffiup Røde Korsip isumagisussaavaa.
Nunanut allanut tunngasunut aamma akuulersitsiniarnermullu ministereqarfimmit oqaatigineqartoq naapertorlugu Afghanistanimiut Sjællandip avannaani Sandholmimi najugaqarallassapput.
Danmarkimi politikkikkut isumaqatigiissutigineqarpoq, Afghanistanimiut danskit aallartitaqarfianni atorfillit taakkualu ilaqutaat ukiuni marlunni Danmarkimiissinnaasut.
Danmakimut tikinnerminni Danmarkimi najugaqarnissaamik qinnuteqarsinnaapput nunanut allanut tunngasunut inatsit naapertorlugu.
Afghanistanimiut qimaguuutsinneqarnerat aallartippoq Talibanit Islamisiortut ingasattajaarniat Afghanistanimi illoqarfiit pingaarnissaat Kabul sapaatiummat tiguarmassuk.
/ritzau/