Kuupiup præsidentit toqqaannartumik oqaluukkusuppai
- Naalagaaffinngornissarput ornillutigu inuiaqatigiittut ingerlavugut.
Imaassinnaannaavoq Kalaallit Nunaat naalagaaffinngortoq kunngitsuuffik, imaluuunniit Tuluit Nunaata nunasiaatigisimasaatutCommon Wealthitut inissisimalersoq, qallunaat kunngikkormiunik qullersaqarluni, Naalakkersuisut siulittaasuat aviiisimi Politikenimi apersorneqarluni oqarpoq.
Inuiaat kalaallit namminersortut, Danmarkillu naalagaaffianit aniguisitaasimasutut taaneqarsinnaasumik inissisimalernissaq, Kuupik V. Kleistip pingaartippaa.
- Nunarsuarmi atassuteqaatinut ilaalluinnarpugut, naalagaaffittulli isigineqannginnatta soorlu naalakkersuisut siuttuinut nuimasunut toqqaannartumik attaveqarsinnaanngilagut. Tamanna anigorniassallugu oqitsuinnaanavianngilaq. Danmarkip naalagaaffiata ataatsimoortumik tapiissutaanut 3,4 milliardit koruuniusunut tunaartaqarneq uumisuutigaara, Kuupik V. Kleist oqarpoq, Danmarkimullu kaammattuuteqarluni.
- Nunat tamat suleqatigiinneranni attuumassuteqartorujussuuvugut, kisianni assersuutigalugu nunat allat naalakkersuisuisa siulittaasuinut toqqaannartumik attaveqarsinnaanngilagut naalagaaffittut naatsorsuunneqannginnatta. Tassalu issittumi pissutsit Kalaallit Nunaannullu tunngassuteqartut pillugit nunat allamiut naalakkersuisuisa siulittaasuinik Danmark oqaloqateqartarpoq. Oqallinnerni taamatut ittuni peqataatinneqarani pissusissamisuunngilaq, Naalakkersuisut siulittaasuat oqarpoq.