Kuupik TV2-mi nuannaraat
Tysklandimeersoq Angela Merkel normu 1-iuvoq. Barrack Obama normu 2-uvoq franskillu præsidentiat Francois Hollande normu 3-ulluni.
Taavali Michael Jarnerip ilimananngilluinnartoq taavaa, Danmarki ingerlulluassappat, tassani naalakkersuisut Nunatsinni Naalakkersuisut siulittaasuat, Kuupik Kleist nunarsuarmi pingaarnerpat sisamaattut soqutigisariaqaat.
- Uukapaatitsinerugaluarpoq, tassami Kuupik Kleist naalagaaffimmi siuttuunngilaq, Michael Jarner, oqarpoq nangillunili tikkuarlugu immat sikuerukkiartornerisa nunallu sermeerukkiartornerisa malitsigisaannik, umiarsuit nutaanik aqqutissaqalermata aatsitassanillu piiaanissaq periarfissaqarnerulermat, Nunarput nunarsuarmi tamaniit isiginiarneqaleraluttuinnartoq.
- Nunat pissaanilissuit amerlasuut soqutigisaanni Kalaallit Nunaat qitiulersimavoq, tamaammallu Danmarkimut pingaaruteqalersimalluni, Michael Jarner oqarpoq.
- Piffiit Danmarkip Kalaallit Nunaannut nunasiaatilissuartu, imminut isiginera, taamaalillunilu sunik tamanik aalajangiisinnasutut eqqarsartarnera qaangiutereerput. Kalaallit Nunaata Nunarsuarmi qitiusutut inissisimanera, inuisa ilisimaarilluinnarpaat, Danmarkilu sianigilluinnartariaqarpoq aammalu nassuerutigalugu Kalaallit Nunaat Danmarkimiit qilerutaarukkiartuaarumaartoq, Michael Jarner TV2-mi Gomorn Danmark ullaaq oqarpoq.
Nunarsuarmi siuttuni, Danmarkimut pingaaruteqarnerpaat, ilimanaateqanngilluinnaraluarluni sisamaattut inissisimanerminit Kuupik Kleistip Kinap siuttortaava XI Jinping unammillertituarigaa, Michael Jarner aamma isumaqarpoq.
