Kuupik Al Jazeera-mi

NUTARTIGAQ: Arabiamiut TV-qarfiata Al Jazeera-p isiginnaartartuisa Kalaallit Nunaat aamma Naalakkersuisut siulittaasuat Kuupik Kleist sapaatip akunnerata naanerani isiginnaarpaat.

Naalakkersuisut siulittaasuat Kuupik Kleist arabiamiut TV-qarfiannit Al Jazeerami apersorneqarpoq, aningaasarsiorneq pillugu allakatitassiami.

Arabiamiut taakkua uuliaatiminnik inuussuteqartut  Kalaallit Nunaani susoqarnersoq paaserusullugu soqutiginnipput.

Kalaallit Nunaat pillugu aallakaatitami tallimanngormat siullermik aallakaatinneqartumi, Kalaallit Nunaanni uulisiorneq apeqqutigineqarpoq.

Uulisiortut Kalaallit Nunaani  uuliasiornerminnni qanoq amerlatigisunik Kalaallit Nunaannut akiliisarnissaannik oqallinneq piffissami kingullerni pisoq pillugu Naalakkersuisut siulittaasuata Kuupik Kleistip arabiamiut TV-qarfiannut erseqqissaatigaa, Kalaallit Nunaata, nunarsuarmi nunat allat assigalugit, uuliasiortut soqutiginnilersaat pingaartinneqarmat.

 

Akileraarutit avatangiisillu illersorneqarnissaat eqqarsaatigalugit uuliasiorniartunut piumasaqaatitsigut nunat allat unammillikkatta piuamsaqaataasa qeqqannut inissinniarsarivugut, Kuupik Kleist oqarpoq.

Kuupik Kleit ilanngullugu oqarpoq, uuliasiortitseqatigiissuit Kalaallit Nunaanni annertuumik aningaasaliinissaminnut pileritsassimanngitsut aningaasaliisutigisassaminnut iluanaaruteqarnissartik qulakkeersimatinnagu.

TV-qarfip Al-Jazeerap aamma paaseruppaa, Kina Kalaallit Nunaani aatsitassanik piaanissamut soqutiginnilluni saaffiginnissimanersoq.

Kuupik Kleist oqarpoq, Kinap Kalaallit Nunaanni aatsitassannut soqutiginninnera ilisimaneqartoq aamma Kinamiut issitumi pisut tamaasa soqutigigaat, taamaakkaluartoq, Kina toqqaannartumik Kalaallit Nunaannut saaffiginnissimanngitsoq, Kuupik Kleist arabiamiut TV-qarfianni Al-Jazeerami apersorneqarluni oqarpoq.

Kuupik Kleistip apersorneqarneranit allaaserisaq tamakkerlugu uani atuaruk:

http://www.aljazeera.com/programmes/countingthecost/2012/02/201221017810367714.html

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat