Kunngissaq Frederik timmisartumik nunatsinnukariartortoq
Kunngissaq Air Greenlandip atlantikoq qulaallugu timmisartuani tallimanngornikkut ullaakkut takuneqarpoq. Ilaasunit tamanna malugineqapallappoq.
Allattoq Malik Brøns
marsip 18-at 2022 10:06
Nunarput kunngikkormiunit tikeraarneqarpasilerpoq.
Kunngissarmi Frederik timmisartorsuarmi Norsami ilaasoq takuneqarpoq. Kunngissaq timmisartumi ilaasumik allamik oqaloqateqartoq assi Facebookikkut maanna ingerlaartinneqarpoq.
Nittartakkakkut aviisi, Sermitsiaq.ag naapertorlugu Nuummi sisorartartut klubbiata NSP-p siulittaasuata kunngissap nunatsinnukarnera uppernarsarpaa.
- Attavigineqarpugut, Kunngissarlu Frederik sapaatiuppat tikilersoq paasitinneqarpugut. Nunatsinni allamik suniarnera naluara, siulittaasoq Sermitsiaq.ag-mut oqarpoq.
KNR-ip kunngikkormiut oqaaseqartinniarsarai.