Kunngissaq Frederik qitilunnini pillugu suliaritippoq
Kunngissap suliaritinnera ingerlalluarpoq, 50-inillu ukiulik ajunngitsoq, Kunngikkormiut nalunaarutigaat.
Kunngissap Frederiup pisortatigoortumik suliai sapaatip-akunnerini tulliuttuni unitsikkallarneqassasut nalunaarutigineqarpoq, kunngissarmi sungiusarteqqinneqassagami.
AAMMA ATUARUK Kunngissaq arpaqataassamaartoq qitiluttoq
Kunngissaq 2016-imi trampolinertilluni ajutoorpoq, qungatsip qimerluini ajoquserluni. Tamanna pillugu halskraveqartinneqarpoq, nakorsallu taamanikkut nalilerpaat kunngissaq sapaatip-akunneri arlalialunnguit ingerlaneranni ajorunnaassasoq.
Kunngikkormiulli maajimi ukioq manna nalunaarutigaat kunngissaq qitiluttoq. Taamaattoq 50-iliinerminut atatillugu Royal Runimik taallugu Danmarkimi illoqarfinni annerni talimani inuit 70.000-it missaasa peqataaffigisaanni arpaqataanermi peqataavoq.
AAMMA ATUARUK Kunngissakkut Savalimmiunut tikeraartut