Kunngissakkut Savalimmiunut tikeraartut
Kunngissaq Frederik nuliilu Kronprinsesse Mary, meeraasalu sisamat, kunngikkormiut umiarsuaannut ilaallutik Savalimmiunut ullumimiit sapaat ilanngullugu angalassapput.
Arkivfoto
Allattoq Mads Lynge
aggustip 23-at 2018 08:10
Kunngissakkut Savalimmiunut ataatsimut siullerpaamik tikeraartussanngorput.
Kunngikkormiullu umiarsuaat atorlugu angalanertik pillugu Savalimmiuni najukkanut assigiinngitsunut tikissinnaalissasut, Kunngikkormiut tusagassiutinut nalunaarummi tikkuarpaat.
Kunngissakkut dronning Margrethe prins Henrik-llu peqatigalugit kunngikkormiut umiarsuaannut Dannebrogimut ilaallutik Savalimmiunut pisortatigoortumik 2005-imi siullerpaamik tikeraarput.
Savalimmiuni naalakkersuisut siulittaasuat Aksel V. Johannesen, kunngissakkut Savalimmiunut tikeraarnerannut qaaqqusisuuvoq.
Kunngissakkut meeqqatik ilagalugit Dannebrogimut ilaallutik Kujataani kitaanilu illoqarfinni nunaqarfinnilu assigiinngitsunut Nunatsinnut 2014-imi tikeraarput.
