Kunngi Frederiup kunngitut sulinini Folketingimi aallarneraa
Kunngi Frederik qulingat Folketingimi kunnginngortitsinermik pisortatigoortumik ataasinngornermi malunnartitsinermi peqataavoq, taamaasillunilu naalagaaffiup qullersaatut sulilerluni.
Ataasinngornermini Folketingimiinnera Folketingimik ammaanermut kunngikkormiunit aamma peqataaffigineqartartumut eqqaanarpoq. Ataatsimiinnerli immikkuullarissuusoq, Folketingip siulittaasua Søren Gade Folketingip nittartagaatigut oqarpoq.
Ataatsimiinneq nikallungalaarfiullunilu isumalluarfiussasoq, siulittaasup ilimagisimavaa, ilaatigummi dronning Margrethep kunngeqarfimmi ukiorpassuarni ataatsimoorfiusimaneranut qujaffigineqartussaammat.
- Danmarkimi kunnginngoqqammertoq dronninnginngoqqammertorlu aamma ilassilluassavagut. Kunngimik, dronninngimik kunngikkormiunillu ullormi eqqaamaneqartussami ilassinninnissara uannut ataqqinaataavoq, Søren Gade oqarpoq.
Taanna ammaareermat, ministeriunerup Mette Frederiksenip (S) kunngimit Folketingimut nalunaarut saqqummiuppaa.
Taava ministeriuneq oqalugiarpoq, tamatumalu kingorna Søren Gadep kunngi inuummersoqqullugu suaarutigaa qulingiluariarlunilu hurraartortoqarluni.
Kunngikkormiut Folketingimut ilaasortanut allanullu immikkut qaaqqusanut Landstingssalimi ilassinninniarnermut kingorna peqataapput.
