Kunngi Frederiup kunngitut siullerpaamik inuuissiornera kunngikkormiut assimik nutaamik malunnartinniaraat
Kunngi Frederiup 56-inik ukioqalerluni inuuissiornerani asseq nutaaq kunngikkormiut saqqummiuppaat.
Kunngikkormiut nittartagaani tamanna takuneqarsinnaavoq.
Kunngip inuuissiornera malunnartinniarlugu kunngi kunngikkormiut nittartagaanni pilluaqquneqarsinnaavoq, tassani allattoqarsinnaalluni.
Kunngi Frederiup inuuissiornera siornatigut nalliussisarnernut ukioq manna allaaneruvoq, dronning Margrethemi ukioq manna januaarimi kingoraarlugu kunngitut siullerpaamik maanna inuuissiorpoq.
Kunngi Frederiup inuuissiornera Amalienborgimi Danmarkimi nalunaaqutaq ulloqeqqartoq malunnartinneqarpoq, kunngi Frederik ilaqutaasalu Frederik VIII-p illussaarsuani balkonngimiittut takuneqarsinnaallutik.
Dronning Margrethep innuttaasunut balokonngimit aalaterisarnera kunngi Frederiup taamaasilluni ingerlateqqippaa.
Innuttaasut kunngi erinarsorfigigaat
Inuit illussaarsuup Amalienborgip saavanut orniguttut kunngi erinarsorfigaat, kunngip sakkutuuisa paarsisut "I dag er det kongens fødselsdag" atormassuk inuit ornigussimasut erinarsoqatigiillutik pilluaqqusillutik.
Kunngip ilaquttani qaninnerit peqatigalugit ullup sinnera nammineq nalliussiniarpaa.
Kunngip inuuissiornera nunatsinni sumiiffinni assigiinngitsuni aamma malunnartinneqassaaq.
Assersuutigalugu Nuummi Nuutoqqami illoqarfiup katersugaasivia kaffillissaaq arpatsitsillunilu, Issittumilu Sakkutooqarfik kunngi nalliussiniarlugu umiarsuaasa ilaat Nuup saavani qamutilittassalluni.
/ritzau/