Kunngi dronningilu nunatsinnut tikeraalersut: Angalaneranni pisussat aaqqissuunneqarsimalerput

Kunngikkormiut umiarsuaat Dannebrog naalagaaffeqatigiinnukartaarluni nunatsinniinnerani pisussat aaqqissuunneqarsimalerput.

Kunngikkormiut tusagassiorfinnut taama nalunaarput.

Kunngi Frederik dronning Marylu Savalimmiunut juunip qiteqqunnerani tikeraareerunik juunip naaneraniit juulip aallartinnerata tungaanut  nunatsinniissapput. Tassa ulluni arfineq-pingasuni nunatsinniinnissaat pilersaarutaavoq.

Nunatsinnut tikeraarneranni pisussat ima aaqqissuunneqarput:

Juunip 29-ani : Pittuffik Space Base, Qaanaaq Aasiaallu tikeraassavaat.

Juunip 30-ani: Qeqertarsuaq tikeraassavaat.

Juulip aallaqqaataani: Attu tikeraassavaat.

Juulip aappaani: Sisimiut tikeraassavaat.

Juulip pingajuani: Tikeraagaqassanngillat (ingerlaassapput).

Juulip sisamaani tallimaanilu: Nuuk tikeraassavaat.

Juulip tallimaani: Narsarsuaq Qaqortorlu tikeraassavaat.

Juulip arfernani: Narsaq Qassiarsullu tikeraassavaat.

Frederik qulingat januaarip ulluisa 14-ianni kunnginngormat, Mary aamma dronninginngorpoq.

Dronning Margrethe aappaat tunuarniarluni ukiortaami oqalugiarnermini tupaallaatigineqartumik nalunaareernerata kingorna Frederik kunnginngorpoq.

Dronning Margrethe ukiuni 52-ini dronninngioreerluni tunuarpoq.