Kulturikkut illorsuaq Taseralik saamit eqqumiitsuliaannik saqqummersitsilluni nalliuttorsiortoq
Eqqumiitsuliortoq Tomas Colbengtson, Saamiusoq, Taseralimmi saqqummersitsissaaq, Colbengtsonilu saqqummersitsisut akornanni siullersaassalluni.
Saamit kujasinnnerusumeersut pineqartarsimanerat, avannarpasinnerusuneersullu immikkoortitaasarnerat Colbengtsonip takutinniartarpai, nunasiaataasimanerullu kingunerisaanik misigissutsit ineriartornerullu assigiipaluttumik ingerlasimaneri kalaallit naggueqatigiillu Inuit Canadamiittut attuumassuteqarfigisutut misigisimavai, Saamillu naggueqatigiillu Inuit eqqumiitsuliamini takutittarlugit.
Tomas Colbengtsonip suliani, eqqumiitsuliorneq saamillu pillugit Taseralimmi aqagu pingasunngornermi januaarip ulluisa qulinganni unnukkut nalunaaqutaq arfineq-pingasunut qiteqquppat, 19:30, oqalugiassaaq, saqqummersitsineralu sisamanngorpat januaarip aqqarnanni ammarneqassalluni.
