Umiarsuup kingulliup tikinnera Kullorsuarmiunut nuannaarutaasoq
- Soorunami malunnartumik nuannaarutaavoq, kingullermeerpoq umiarsuaq ukiuni tulliuttuni kingullerni pingasuni umiarsuup tikinnissaralui kingulliit taamaatiinnartarnikuummata sikuunermik peqquteqartumik, soorunami nuannaarutaavoq, Edvard Nielsen Aronsen oqarpoq.
Umiarsuup siorna Kullorsuarmut tikissinnaannginnera pissutigalugu nioqqutissat qerisut Kullorsuarmukaanneqaraluartut nunaqarfinnut niuneqarput.
AAMMA ATUARUK Kullorsuarmi skakkimik festivalertitsisoqartoq
Maannalu umiarsuaqareerpoq Kullorsuarmilu peqqumaatissat eqqanaarneqarput assartugassallu allat apuunneqarlutik.
AAMMA ATUARUK Fiskerne oplever fremgang i Kullorsuaq
- Tassa ukiumut peqqumaatissat piniarnikuusagut tamakkerlutik tikipput, aammalu aappaatigut Arctic Fiship aalisartunut snescooterinik tikisitsinera aamma aalisartut ilaanut pinngitsoorani nuannaarutaasorujussuuvoq aamma ilanngullugu nuannaarutissaavoq sanaartugassat illuliassat kommunip tamaannga pilersaarutigisai aamma tamakkerlutik tikissimalermata. Kullorsuarmi nunaqarfimmi aqutsisuni siulittaasoq, niuertorlu Edvard Nielsen Aronsen oqarpoq.
AAMMA ATUARUK Julepakkerne nåede ikke frem til Kullorsuaq
