Kullorsuarmi aalisartut ileqqaagaqarsinnaanngortut

- Tassa toqqissisimanarpoq, aamma soorunami akilersugaqartuugaanni tunitsivissaqarani uninngaannaleraanni toqqissisimanarunnaartarpoq. Maanna toqqissisimaqqinnaarluta ingerlavugut, inooqataavugut, aammalu tamaani inuit oqartarnertuut qiimmappugut tunisassiorneq ingerlaavalermat, Kullorsuarmi aalisartut piniartullu peqatigiiffianni siulittaasoq, Actic Fish Greenland A/S-imilu piginneqataasoq, Themothæus Petersen, taama oqarpoq.

Kullorsuarmi tunitsivik, Royal Greenlandip kisimiilluni siornatigut pigisaa, Arctic Fish Greenlandimik siorna 2017-imi aasakkut piginneqatigiiffiliornikkut piginneqatigiiffissuup aalisartut sulisullu piginneqatigilerpai.

Themothæus Petersenilu naapertorlugu, piginnittuulersut tulaassassaqarluarneranik upperinnikkamik amerlanerusunik qerititsiveqalernissaq aalajangiussimavaat. Taamaalillutillu qerititsivinnik aasaanerani ulikkaartuukulajunnaarlutik.

Aalisartullu tunisaat siornamut sanilliussagaanni maanna marloriaatinngorsimapput.

 - Ileqqaagaqalaalerpugut, ukiut siuliini ileqaagaqartanngilagut, annerusumik. ileqqaakkagut tunisassiorfik matoqqaannaleraanga ileqqaakkagut ingerlaterusaaginnalertarpagut, maanan tukummateqarata toqqisseqqinnaarluta inuuniarnerput ingerlapparput, Themothæus Petersen taama oqarpoq.

Qalerallit Kullorsuarmi tunitsivimmi taamaallaat paperuerlugilu niaquertarpaat, Arctic Fish Greenlandimili pisiniarfimmili tigoriaannarnik tunisassiulernissartik kissaatigaat.

Kullussuarmi tunisassiorfik qerititsivinnik containarinik sisamanik ilasussaapput tamannalu aalisartunit isumalluarnartutut oqaatigineqarpoq.