Kujallermi qinersineq: Ineriartornissamut alloriarnissaq borgmesterip utaqqigaa

Kommune Kujallermi atukkat pitsaanerulingajalersut borgmester Siumumeersoq, Kiista P. Isaksen isumaqarpoq. Suliniutilli allat soorlu Qaqortumi mittarfiup naammassineqarnissaat kommunip ineriartulernissaanut pisariaqarput.

- Mittarfissaq eqqarsaatigiinnarlugu inuussutissarsiortunut aammalu innuttaasunut utaqqisitsipput, minnerunngitsumillu uagut inerisaanitsinni, kommunitta iluani pilersikkusutatsinni annertuumik sunniuteqartussaammata, Kiista P. Isaksen taama oqarpoq.

AAMMA ATUARUK Kommune Kujalleq: Naalakkersuisuniit mittarfimmut atatillugu uupakaasiarineqarpugut

Kommune Kujallermi ineriartortitsinissamut periarfissarsiortarput.

Naalakkersuisullu Qaqortumi mittarfiliornissamik aalajangernerminni Kujataani ineriartornissaq qitiutippaat. Mittarfissalli qaqugu naammassineqassanersoq nalorninarnera Kiista P. Isaksenip, kipiluttunaraa.

- Maannakkut inuussutissarsiornermi kaaviiaartitsinermilu sunniutigisassai malitsigisassarimmagit, taanna oqarpoq.

AAMMA ATUARUK Sulisitsisut suliariumannittussarsiuussinerup taamaatiinnarneqarnera kamaatigaa: Tillutsittutut misigisimanarpoq

Qaqortumi mittarfiliornissaq qaqugu naammassineqassanersoq suli ilisimaneqanngilaq.

Suliniut naatsorsuutigisamit akisunerugami siorna unitsikkallarneqarpoq, ukiorli manna januaarimi aappassaanik suliariumannittussarsiunneqalerluni.

Aammali kommuni nammineerluni pilersaarusiorniarpoq, tamannalu Kiista P. Isaksenip pingaarnertut qineqqusaarutiginiarpaa.

- Qineqqusaarutikka arlaqarput. Pingaarnertut ukiunut qulinut pilersaarut suliarineqartariaqarpoq. Kommunitta ineriartornissaanut siumut isigisumik ukiunut qulinut pilersaarummik pilersitsinissaq pingaaruteqaqaaq.

AAMMA ATUARUK Kommune Kujalleq kujataani timersornerup siuarsarnissaanut aningaasaliissuteqartoq

Kommunip 2011-miit pilersaarusiaa appaagut atorunnaassaaq. Kommunilu ukiuni qulini tulliuttuni aallaavigisassaanik pilersaarusiassaq Kiista P. Isaksenip siuttuuffigerusuppaa.

- Nutaaliaasumik timersortarfiit piorsarneqarnissaat aammalu kommunimut allaffiuutigisumik kulturikkut illorsuartaarnissaq pisariaqartivikkatsigit. Minnerunngitsumik inuussutissarsiortut suleqatigilluinnarlugit, kommunitta ukiuni tulliuttuni qulini sumut alloriaqqinnissaa ersarissumik ilisimasariaqaratsigu.