MIO: Kujallermi meeqqat naligiimmik ikiorneqanngillat
Meeqqat Illersuisuata Kommune Kujallermi angalanermini nalunaarusiaa meeqqat atugarliortut inuunerannik alianartumik takutitsivoq.
Matumani isumaginnittoqarfimmik akisussaasuusoq, kommuni, isornartorsiorneqarpoq, angajoqqaallumi namminneq meeqqaminnik sumiginnaasut toqqissisimasumillu perorsaasinnaanngitsut aamma isornartorsiorneqarput.
AAMMA ATUARUK Naalakkersuisut meeqqanut inuusuttunullu aningaasanik illuartitsisut
Meeqqat Illersuisuat, Aviâja Egede Lynge, Kommune Kujallermi siorna oktobarimi angalavoq.
Naalagaaffiit Peqatigiit meeqqat pillugit isumaqatigiissutaat kujataani naammassineqanngitsoq, nalunaarusiamini inerniliuppaa.
Aporfiit sisamat
- Meeqqat inuusuttullu amerlasuut pitsaasumik atugassaqartitaasut naapippakka. Ajoraluartumilli amerlaqisut sernigineqarnissamik pisariaqartitseqisut naapertuuttumillu ikiorneqarnissamik amigaateqartut aamma siumorpakka, Aviâja Egede Lynge nalunaarusiami allappoq.
Isumaginnittoqarfimmi naammassineqartariaqartut sisamat nalunaarusiamini immikkoortippai:
AAMMA ATUARUK Martha Lund Olsenip iliuuseqarnissaq ujartorpaa
AAMMA ATUARUK Siusissukkut iliuuseqartoqarnissaa MIO-p ujartoraa
Angajoqqaat sumi najugaqaraluaraangamilluunniit naapertuuttumik taperserneqartariaqarput, meeqqat ilinniariaqqinnissaminnik assigiimmik periarfissinneqartariaqarput, inuiaqatigiinni piginnaalersitsisussamik sunngiffimmi susassaqartitsineq amigaataavoq, meeqqallu timikkut tarnikkullu naapertuilluanngitsuliorfigineqannginnissamut illersorneqarnissamik periarfissinneqartariaqarput.
Meeqqat naligiimmik pisinnaatitaaffeqanngitsut, Meeqqat Illersuisuata maluginiarsimavaa.
Tassa isumaginnittoqarfik suliamik sumiginnaagaangat meeqqat atugarliortut atugarliornerulertarput.
Angajoqqaat aamma akisussaaffeqarput
Tamanna nunaqarfimmiunut aamma atuuppoq:
- Aamma allanik ajornartorsioqqajaasoqarpoq, tassalu atuartut nunaqarfinneersut ilaat. Atuartut taakku atuarfik naammassereeraangamikku ilinniaqqiffissanut ingerlaqqinngitsoortarput, Aviâja Egede Lynge allappoq.
AAMMA ATUARUK Inatsisissaq kinguartinneqarli
Meeqqat Illersuisuata angajoqqaat aamma isornartorsiorpai:
- Atuarfinniit aamma nassuiaatigaat angajoqqaaqartoq persorsaanissamik akisussaajumanatik, atuarfiup akisussaaffimmik tigusinissaanik naatsorsuutiginnittunik, Meeqqat Illersuisuat nalunaarusiami allappoq.
