Aningaasanut inatsit 2017 Naalakkersuisut meeqqanut inuusuttunullu aningaasanik illuartitsisut
Meeqqanut inuusuttunullu aningaasanut inatsimmit 2 mio. koruuninik illuartitsisoqarsimanera, MIO-mi meeqqat oqaaseqartartuanit nuannaarutigineqarpoq.
Allattoq Inge S. Rasmussen, Bikki P. Kleist
novembarip 23-at 2016 15:05
Meeqqat inuusuttullu pisinnaatitaaffii pillugit immikkut 2 milliuunit koruuninik aningaasaliisoqartussanngorpoq, aningaasallu paasissutissanik katersinissamut atorneqassallutik.
Dronning Ingridip Peqqissaaviani meeqqanut immikkoortortaqarfeqalersimanera, Meeqqat illersuisuata aamma nersualaarutigaa.
Ukioq manna suliniuteqarnermut kiisalu aningaasaliisoqarneratigut meeqqat ukkatarineqassapput,
meeqqat inuusuttullu immikkut suliniarnissamut aningaasaliineq eqqanaarinninneruvoq pisussaaffiullunilu Aviaja Egede Lynge taama allappoq.
