Kuannersuarni suliniummut atatillugu tusarniaaneq naalakkersuisut sivitsoraat
Tusarniaanerup marsip qiteqqunnerata missaani naammassineqarnissaa pilersaarutaagaluarpoq, innuttaasulli Kuannersuarni aatsitassarsiornissaq pillugu juunip aallaqqaataata tungaanut maanna isummersorsinnaanngorput.
AAMMA ATUARUK Kuannersuit pillugit Narsami Qaqortumilu innuttaasunik ataatsimiisitsinissat amerlineqartut
- Naalakkersuisut innuttaasunit kissaatit arlariit tusaaniarpaat, aalajangernerminnilu piareersaanermi aqutsinermi ajornartorsiuteqarneq pingaarnerutillugu. Sillimaniarnermi navianaatit killiliisimapputtaaq, naalakkersuisut tusagassiutinut nalunaarummi taama ilaatigut allapput.
Kuannersuarni aatsitassarsiorfik pillugu paasissutissat piviusut:
- Kuannersuit Narsap kilometerinik 7,5-inik ungasitsigisumi avannarpasissortaaniippoq.
- Aatsitassarsiorfik asimi 700 meterinik qutsitsigisumiipppoq.
- Greenland Mineralsip aatsitassarsiorfk ukiuni 37-ni piiaaffiginiarpaa.
- Aatsitassarsiorfiup piiaaffigineqarnerani nunaqavissunik 328-nik suliffissaqartitsisoqarsinnaassasoq naatsorsuutigineqarpoq.
- Aatsitassarsiorfik qaqutigoortunik ilaatigut uranimik thoriumimillu saffiugassaqarpoq.
- Aatsitassarsiorfik saffiugassiassamik ukiumut millionit tonsit pingasut missaannik piiaaffiusassaaq.
- Ukiuni 37-ni aatsitassarsiornermit sinnikut 111 millionit tonsiussapput qaarsorlu (qaarsumit piiarneqartumit sinnikut ) 111 millionit tonsiussalluni.
Tusarfik: Pinngortitaleriffik aamma Nationalt Center for Miljø og Energi, IPN-iliaq.
Kommuninut upernaaru qinersinissaq qajassuunniarlugu naalakkersuisut aamma taama aalajangertut nalunaarutigineqarpoq.
- Pingaarpoq kommunalbestyrelset nutaat tusarniaanermi peqataatinnissaat angumerissallugu, taakkuuppummi piiaaffiliorniarnermik suliniutaasinnaasumik avatangiiseqartussat, naalakkersuisut oqarput.
Innuttaasunut ataatsimiititsinissat taamaatinneqarnavianngillatt
Kujataani innuttaasunik ataatsimiititsinissat tallimanngorpat aallartittussatut pilersaarutigineqartut pilersaarutigineqartutut aaqqissuunneqassapput.
Ataatsimiinnissanut pilersaarutinik nutaanik piffissami aggersumi suliaqartoqassaaq, politikkikkullu aallartitat tassani aamma peqataassallutik.
AAMMA ATUARUK Professori: Aatsitassarsiorfik Narsamut naassaanngitsumik allannguissaaq
Innuttaasut ataatsimiitsinnneqarnissaat pillugu eqqissiviilliortoqangaatsiarpoq.
Inuussutissarsiornermut aatsitassanullu naalakkersuisup Jens-Frederik Nielsenip innuttaasunut ataatsimiititsinissanut peqataaniannginnini sapaatip-akunnerata siuliani tallimanngorma nalunaarutigaa, naalakkersuisunut ataasiakkaanut sioorasaarisoqarsimanera matuma pissutaavoq.
Peqataannginnissartillu aalajangiusimallugu naalakkersuisut attappaat. Atorfilittat Namminersorlutik Oqartussaneersut Greenland Minerals peqatigalugit innuttaasunik ataatsimiititsissapput.
Naalakkersuisut tusarniaanermik piffissamik sapaatit akunnerinit arfineq-pingasunit sapaatit akunnerinut aqqaneq-marlunnut sivitsueqqaaraluarput. Tusarniaanermi piffissaq manna sapaatit akunnerinik 23-t missaannik sivisussuseqarpoq.
