Tuttut pisassiissutigineqartussat isornartoqartinneqarput
Taama siunnersuuteqarpoq Aalisarnermut Piniarnermut Nunalerinermulllu Naalakkersuisoqarfik umimmannik tuttunillu piniarnissamut sumi, amerlassusissaanillu ukiormannamut aappaagumullu atuuttussanik tusarniaanermik nassiusseqammersoq.
Nutaatut naalakkersuisoqarfimmit siunersuutigineqarpoq, sunngiffimmi piniartartut Nuup eqqaani amerlanerpaanik tallimanik tuttussinnaassasut aamma tuttunniarnissamut akuersissummik qinnuteqarnermi aqutsiveqarfimmi aalajangersimasumi qinnuteqartoqarsinnaavoq, tassani periarfissaallutik Nuup kujataani imaluunniit Nuup avannaani tuttunniartoqarsinnaalluni.
Aamma atuaruk sunngiffimmi-piniarnermut-allagartaq-maajip-aallaqqaataa-nallertinnagu
Piniarnermut Naalakkersuisoqarfiup tusarniaasitsinerani taamatut aaqqqinneq toqqarneqarpoq tuttut ikililartorsimanissaat naatsorsuutigineqarmat.
Ukiuni arlaqalersuni tuttunik kisitsisoqarsimanngilaq taamaattumik tuttut qanoq amerlatiginerat qulakkeerlugu ilisimaneqanngilaq.
Aamma atuaruk kalaaliaqqami-eqaluit-pujuukkat-pisiassaalernavianngillat
Malittarisassat nutaat Kommuneqarfik Sermersuumi Isumaginninnermut, Suliffeqarnermut Inuussutissarsiornermullu Ataatsimiititamit sakkortuumik isornartorsiorneqarput ataatsimiititaliarmi isumaqarpoq malittarissassat atuutilersinneqartinnagit innuttaasut peqataatinneqarsimannginnerat akuerineqarsinnaanngimmat, ataatsimiititaliami siulittaasoq Malene Lynge IA, taama allappoq.
“Tuttunniarluni aavartarneq kalaallit kulturitsinnut ileqqutoqqatsinnullu annertuumik ilaavoq, tassaallunilu inuiaqatigiinni ataatsimoorfipput, Malene Lynge oqarpoq.
Aalisarnermut Piniarnermut Nunalerinermulllu Naalakkersuisoqarfik nalunaaruteqarpoq, tuttut umimmaallu kingullermik 2010-mi kisinneqarsimasut tamannalu pillugu mianersornissaq tunngavigalugu pisassiissutinik siunnersuuteqartoqartoq.
