Erinarsuut nutaaq Kreutzmann aamma Tarrak qaammarsaasut
Nina Kreutzmann Jørgensen Josef Tarrak Petrussenilu Operation Dagsværkip ukioq manna qaammarsaaneranut atatillugu erinarsuusiorput.
Qaammarsaanermi kalaallit danskillu inuusuttut ayttaveqatigiinnerannik ilaatigut pitsaanerulersitsisoqarniarpoq.
Kalaallit Nunaat pillugu qaammarsaanerup saniatigut danskit ilinniarnertuunngorniarfiinit Kalaallit Nunaanni suliniutip ineriartortinneqarnissaa aamma suliarineqarpoq.
Ilsimasaqaqatigiinnissaq pingaaruteqartoq
Josef Tarrak Petrussenip Operation Dagsværkimut oqaluttuaatiminik erinarsuummillu sooq tapersiinera, DR-imi P1-imeersup apeqqutigaa.
AAMMA ATUARUK Operation Dagsværk kalaallit inuusuttaannut aningaasanik nassiussiniartoq
- Immitsinnut ilisimasaqarfiginerunissarput uannut pingaartuuvoq. Aamma nunatta - nutaaliaasup - piffissamullu malinnaalluta aamma tamaaniittugut takutinnissaanut iliuusitsialaavoq.
Josef Tarrak Petrussenip nunat imminnut ilisimasaqatigiiffigineranni naligiinngitsoqarsoraa. Taamaammat immitsinnut ilinniarnissarput pisariaqarpoq.
AAMMA ATUARUK Ilinniarnertuunngorniat kattuffiat nunarput pillugu Danmarkimi atuartunut paasititsiniaaniartoq
- Uagut Danmarkimut tunngasunik ilisimasarpassuaqarpugut. Atuarfinni danskit oqaasii allarpassuillu ilinniartarpagut. Illuatungaanili qallunaarpassuit kalaallinut Kalaallit Nunaannulluunniit tunngasunik ilisimasaqarpianngillat, Tarrak P1-ip aallakaatitassiaanut Kulturenimut taama oqarpoq.
Tarrak maligassaqqissoq
Josef Tarrak Petrussen qaammarsaanermi sooq peqatiserineqarsimanersoq, nammineq kajumissutsimik suliniuteqarfimmit, Operation Dagsværkimeersup Oleg Hertoftip P1-ip aallakaatitassiaanut Kulturenimut ima nassuiaatigaa.
- Josef Tarrak maligassaqqissuuvoq, kalaallinullu aamma danskinut inuusuttunut isumassarsititsisinnaalluarluni, Oleg Hertoft oqarpoq.
AAMMA ATUARUK Danmarkimi ilinniarnertuunngorniat suliniut INUA tapersersussavaat
Ineriartortitsinissamut suliniut, Operation Dagsværkimit ukioq manna taperneqartoq, Ungdommens Røde Korsimit Kalaallit Røde Korsianniillu ineriartortinneqarpoq, inuusuttullu neriunaateqartut sammineqarnerannut tunngalluni. Uanilu Josef Tarrak Petrussen rapperaangami ilaatigut takussutissaalluarpoq.
- Kalaallinut danskinullu inuusuttunut isumassarsiviulluarsinnaavoq kalaallillu inuusuttut qanoq iliornissaannik kissaateqarnitsinni iliuuseqartuuvoq - neriunaateqarnini takutittarpaa, Oleg Hertoft oqarpoq.
Nipilersugaq takujuk:
