Imigassaq pillugu inatsit nutaaq Sassaallernissamut uppernarsaatitaarniartut ulapititsisut
![](/sites/default/files/styles/image_934x467/public/certifikat-image1.jpg?itok=3Zx5AYu8)
Sassaallersinnaanermut tuniniaanermullu uppernarsaammik piniaraanni, nittartakkami Certifikat.gl-imi
pikkorissarsimanissaq piumasaqaataavoq, taanna peqqissutsimut naalakkersuisoqarfiup pilersitaraa.
Nittartagaq atulermalli taakkuninnga suliaqartut ulapissimapput, nittartakkami suliaqartut ilaat taama oqaluttuarpoq.
Imigassaq pillugu inatsit sisamanngornermi marsip ulluisa aallaqqaataani atuutilerpoq, ullorlu taanna sassaallersinnaanermut tuniniaasinnaanermullu uppernarsaatinik pikkorissartut 1865-inik sinneqarput.
Uppernarsaammik piniarluni pikkorissartarfik nittartagaq Certifikat.gl februaarip ulluisa 15-anni ammarpoq.
Taama paasissutissiivoq Martin Nordlund suliffeqarfimmi Malou Mediami piginnittoq.
Malou Mediap nittartagaq Certifikat.gl ingerlappaa.
AAMMA ATUARUK Imigassamut inatsisip Tasiilami malinneqarnera equngasortaqartoq
Pikkorissarneq akunnerup ataatsip missaannik sivisussuseqarpoq, tassani imigassaq pillugu inatsisip nutaap imigassarlu pillugit paasissutissanik imaqarluni. Taakkua saniatigut apeqqutinik arlaqartunik pikkorissartup akisassaanik imaqarpoq. Sassaallernissamut tuniniaanissamullu uppernarsaateqalernissamut piumasaqaataavoq, apeqqutit ikinnerpaamik 80 procentiisa eqqortumik akineqarnissaat.
AAMMA ATUARUK Pisiniarfissuit imigassaq pillugu inatsisissamut akerliussutsimik takutitsiniartut
Pikkorissartitsinerit assigiinngitsut marluk
Pikkorissarnerit assigiinngitsut marluupput, aappaa sassaalliisarnermik suliaqartunut, soorlu imerniartarfinni neriniartarfinnilu sulisunut, aappaalu niuertarfinni soorlu Brugsenini imaluunniit Pisiffimmi Pilersuisumiluunniit imigassanik tuniniaanermik suliaqartunut pikkorissarnerulluni.
AAMMA ATUARUK Imigassamik sassaalliisarnerup killilersorniarneqarnera isorigaat