Kostskoleni atuartut atornerlunneqartarsimasut utoqqatserfigineqarput

Naggueqatigiit inuit indiaanerillu merartaat Canadami nordvest terretoriami atuartut angerlarsimaffiigitalugu najugaqarfiini atornerlunneqartarsimanerat naalliutsitaasarsimanerallu pillugit Canadami naalagaaffimmi Albertami biskopit qullersaat kiisami pisortatigoortumik utoqqatserpoq. Atornerluisarnerit naalliutitsisarnerillu 1900-ikkunni pisarsimapput.
Allattoq Marianne Stenbæk, Montreal, Canada, Jaaku Lyberth
februaarip 26-at 2014 05:28

Edmontonimi ataatsimiittoqarnerani naggueqatigiit Inuit sinniisuutitaat aamma Indianerit utoqqartaat najuuttoralugit  Albertami Nordvestteritoriamilu biskopiusimasut allagaat  biskop Richard Smithip atuarpai,  biskoppiusimasut taakkua meeqqanut angerlarsimaffigiitigalugu atuarfinniissimasunut iliuuserisimasatik  peqqissimissutigalugillu aliaasuutigigaat allakkaminni ersersippaat.

Indianerit siuttuata Jerry Woodip indianerit utoqqartai sinnerlugit utoqqatserluni allakkiaq tiguaa, oqaluttuarporlu, inuunermi annersaa imigassamik atornerluisuusimalluni angerlarsimaffigiigitigalu atuarfimmi iliuuserineqarsimasut kingunerlutsissimagamigit puigorsinnaasimanagillu.

Jerry Woodip ilanngullugu oqaatigaa, biskoppit utoqqatsernissaminnut piffissaq sivisoorujussuaq qaangiummmat aatsaat utoqqatsermata.

Canadami ministeriuneq Stephen Harper 2008-mi Canadami inatsisartunut utoqqatsernermik saqqummiussaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq