Korea Kujallerup ministeriunera tunuarniuteqarnissamut piareertoq
![](/sites/default/files/styles/image_934x467/public/2024-04/52882965052_a84620031a_k.jpg?itok=B4EHqGY0)
Korea Kujallermi ministeriunerup Han Duck-soop tunuarniuteqarnissamut piareersimanini, Korea Kujallerup præsidentianut nalunaarutigaa.
Korea Kujallermi nutaarsiassaqartitsivik Yonhap pingasunngornerup sisamanngornerullu akornanni unnuakkut taama allaaserisaqarpoq.
Korea Kujallermi naalakkersuisut nunami tassani inatsisartunut pingasunngornermi qinersinermi illuatungiliuttunut ajorsareerlutik ministeriuneq taama nalunaaruteqarpoq.
Korea Kujallermi inatsisartunut inissat 300-pput, illuatungiliuttullu 197-inik ilaasortaatitaqalerlutik.
Atorfilittat nuimasut arlallit tunuarniuteqarnissartik aamma neqeroorutigaat.
Han Duck-soo Korea Kujallermi 2022-mili ministeriuneruvoq. Taanna 2007-mit 2008-mut aamma ministeriuneuvoq.
Kina ministeriunertut kingoraartigissaneraa suli nalunarpoq.
Korea Kujallermi qinersisoqareernerata kingorna nunami tassani aaqqissuusseqqittoqassasoq præsidentip Yoon Suk-yeolip neriorsuutigaa.
Korea Kujallermi præsidentip kina ministeriuninngussanersoq, kikkullu ministerinngussanersut toqqartarpai, soorlu aamma naalakkersuisoqarfinni kikkut pisortaassanersut præsidentimit toqqarneqartartut.