Kommuni nutaaq Aasianni nalliuttorsiutigineqartoq
Nunatsinni marlunnik nutaanik januaarip aallaqqaataani kommuneqalerpoq. Kommuninngortup aappaata, Aasianni qitiusumik allaffeqarfeqartup, tassa Kommune Qeqertallip, atuutilernera Aasianni ullumi arfininngornermi nalliuttorsiutigineqarpoq.
AAMMA ATUARUK Avannaata aamma Qeqertalik ukiortaamit kommuuninngortussanngortut
KNR-imi ilanngutassiortorput Jens Rafaelsen Aasianni timersortarfimmi arfininngornermi najuuttoq ualeq-manna attaveqarfigaarput, imalu oqaluttuarpoq:
- Aasiaat timersortarfianni nalunaaqutaq ataatsimiit inuppassuit, immaqa 200-t missaanniittut, takkussuupput ilaqutariikkaajullutik.
Kommune Qeqertallip atuutilernera nalliuttorsiutigineqarnerata saniatigut timersortartunik aamma kajumissaasiisoqarpoq:
AAMMA ATUARUK Sulineq aallartereerpoq
- Borgmesteri Ane Hansen tikilluaqqusereerami timersortartut tunineqartussat ataasiakkaarlugit qaqisittajoorpai.
Nipilersoqatigiit soorlu Inneruulat, Porta Band taavalu aamma Søren Alaufesen appimmata inuit nuannisaqaat:
- Inuit inersuarmi assut ataatsimooqatigiipput. Aliikkusersuisut appittut najuuttunik tiguaapput qitittoqalaartuaannarporlu, Jens Rafaelsen oqarpoq.