Kommunit nakkutilliisoqarfiat Kommuneqarfik Sermersuumi inissianik attartortitsinermik periusiat pillugu ataatsimiikkami isornartorsiuipput.Assi: KNR / Malik Brøns

Kommuneqarfik Sermersooq nakkutilliisoqarfimmit isornartorsiungaatsiarneqarpoq

Kommuneqarfik Sermersuup inuussutissarsiornermi attartornermut isumaqatigiissuteqarnera kommunit piginnaatitaanerannut maleruagassanik unioqqutitsisoq nakkutilliisoqarfiup nalilerpaa. Taamaammallu kommunip isumaqatigiissuteqartarnera unitseqquaat.

Kommuneqarfik Sermersuup inissianut allanut attartortitsinissaq siunertaralugu inuussutissarsiornermi attartornermut isumaqatigiissuteqarami kommunit piginnaatitaanerannut maleruagassanik unioqqutitsivoq.

Kommunit nakkutilliisoqarfiat Kommuneqarfik Sermersuumi inissianik attartortitsinermik periusiat pillugu ataatsimiikkami isornartorsiuipput.

AAMMA ATUARUK Inissianut atatillugu suliaq Kommuninut Nakkutilliisoqarfiup suliareqqissavaa

Pineqartut tassaapput kommuni Nuummi inissianik nutaanik attartortitseqqiisalerami inissianik 416-inik attartortitseqqiinera.

Nuummi inissaaleqineq iliuuseqarfiginiarlugu, kommuni aningaasaliisartunit namminersortunit inissianik attartortarnikuuvoq. Inissiat taakku kommunip inissiaatileqatigiiffia Iserit A/S aqqutigalugu attartorteqqinneqartarput.

Inissianik attartornermi maleruaqqusat unioqqutinneqartut

Namminersorlutik Oqartussat nunamut namminermut immikkoortortaqarfiata aamma nakkutilliisoqarfiup isumaqatigiissut maleruagassanik malinninnersoq misissorpaat.

Taamaattoqanngitsorli naliliipput.

- Suleriaaseq atorneqartoq kommunit piginnaatitaanerannut maleruagassanik unioqqutitsinerusoq, nakkutilliisoqarfiup paasivaa. Tassami kommunip inuussutissarsiornermi attartornermut aningaasartuutai atuisut akiliuteqarnerini

isertitaannit aammalu inissianut allaffissornikkut aningaasartuutissanut sipaarutissaannit

annertunerummata, nakkutilliisoqarfik tusagassiuutinut nalunaarummi allapput nangillutillu.

- Inissianik appasinnerusumik attartorneq,kommunip piginnittumut akiliutissatut pisussaaffigisaanit, akeqartillugu allanut

attartortitsinermi innuttaasunik ataasiakkaanik iluaqusiineq, kommunip piginnaatitaaneranik unioqqutitsinerusoq.

Taamaammat nakkutilliisoqarfiup Kommuneqarfik Sermersuup inussutissarsiornermi attartornermut assingusunik isumaqatigiissuteqartarnera unitseqquaat.

Kommuni isornartorsiorneqangaatsiartoq

Kiisalu nakkutilliisoqarfiup, aningaasaqarnermik aqutsinermut atatillugu missingersuusiornermut naatsorsuutinullu inatsimmi aalajangersakkat, ilanngullugu akiitsorsimasinnaaneq, malinneqarsimanerannut tunngatillugu Aningaasaqarnermut Nunamullu Namminermut Naalakkersuisoqarfiup nakkutilliinermut suliassaq

aallartissagaa inassutigaa.

- Aningaasaqarnermut Ataatsimiititaliap paasissutissanik naammattunik tunngavilimmik inuussutissarsiornermik attartornermut isumaqatigiissuteqarnermut akuersissuteqarsinnaanissaata qulakkeernissaanut, Kommuneqarfik Sermersuumi Aningaasaqarnermut Ataatsimiititaliamut suliassami paasissutissiineq naammassimanngitsoq nakkutilliisoqarfiup sakkortuumik isornartorsiorpaa.

Kommuneqarfik Sermersuumi borgmesteri Charlotte Ludvigsen nakkutilliisunit aamma isornartorsiorneqarpoq.

Tassalu borgmesterip pisuni pingasuni inuussutissarsiornermi attartornermut isumaqatigiissutit Aningaasaqarnermut Ataatsimiititaliami akuersissuteqarnissaq pisariaqartoq qulakkeeqqaarnagu akuerisimagai, nakkutilliisoqarfik sakkortuumik ikisornartorsiuivoq.

Charlotte Ludvigsenip isornartorsiorneqarnera pillugu KNR-imiit apersorniarsaraarput.

AAMMA ATUARUK Borgmester før behandling af betændt boligsag: Nu har vi ventet længe nok

Aningaasaqarnermik aqutsinermut atatillugu missingersuusiornermut naatsorsuutinullu inatsimmi aalajangersakkat, ilanngullugu akiitsorsimasinnaaneq, malinneqarsimanerannut tunngatillugu Aningaasaqarnermut Nunamullu Namminermut Naalakkersuisoqarfiup nakkutilliinermut suliassaq aallartissagaat, nakkutilliisoqarfiup inassutigaa.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl