Kommunefogedit pikkorissarnissartik nuannaarutigaat

Kommunefogedit peqatigiiffiata siulittaasua, Isak Kristensen, pikkorissarnernik arlaleriarluni ujartuisimasoq, qiimmaallappoq.

- Nuannaarutigivara ilimagaara kisima nuaannaarutiginagu aamma kommunefogedit allat nuannaarutigissagaat. Taannarpiaq siunertarigatsigu tassa pikkorissartitsisoqartarlernissaa, Isak Christensen oqarpoq.

Aamma atuaruk Kommunefogedinut kiisami pikkorissaasoqalerpoq

Kommunefogedit pikkorissartinneqartarnissaat 2012-imiilli tunulliussimasimallugu, politimester Bjørn Tegner Bay ippassaq nassuerpoq.

Taassuma kommunefogedit ukioq manna pikkorissarneqarnissaat neriorsuutigaa.

Kommunefogedit suliassaminnut akisussaaffimminnullu sakkussaminnik pikkorissartinneqassapput.

- Soorlu pisariaqarluinnartillugu imminut illersorsinnaanermut, politiit sulinerminni tunngaviusumik malitassaannik, tassani assersuutigalugu  pinerlunnerup politiillu iliuusissaasa imminnut naapertuunnissaannut, eqqartuussisarnermut inatsit, pinerluttulerinermilu inatsimmut pikkorissaasoqassalluni, politimesteri itisiliivoq.

Aamma atuaruk VIDEO Kommunefogedit siulittaasuat: Kommunefogedit pikkorissarneqartalerlik

Pikkorissarnerit sapaatit akunnerinik ataaseq-marlunnik sivisussuseqassasut, politimesterip taakkartorpaa. Sivisussusissaalu Isak Kristensenip naammagisimaarpaa

- Naleqquttutut isigivara. Uagut sivisunerusumik kommunefogediisugut ilisimasaqalaarpugut qanoq suliassatsinnut tunngasut maleruagaassaasut. Kisianni tassa kommunefogedit nutaat eqqarsaatigalugit annertunerusumik periarfissikkusullugit uteriissutiginikuuara pikkorissartitsisoqaqqittalernissaa, Nunatsinni Kommunefogedit peqatigiiffiata siulittaasua Isak Christensen oqarpoq.

Aamma atuaruk VIDEO Nunaqarfinni kommunefogedeqarniarneq ajornartorsiutaavoq