Kommune Qeqertalik ikiorneqarnissaminik pisariaqartitsinngilaq
Kommune Qeqertalik isumaginninnermi Danmarkimi naalakkersuisuniit ikiorneqarnissamik pisariaqartitsinngilaq. Taamaammat Naalakkersuisut ikiorneqarnisamik kissaatinik kommuninut allattueqqusimmata, borgmester Ane Hansenip akissutissaa naattuararsuuvoq.
AAMMA ATUARUK Nunatsinni kommunit isumaginninnikkut suliassaannik danskit ikiuussinnaapput
Isumaginninnukkut Danmarkimi naalakkersuisunit ikiorneqarnissamik kissaateqanngillat:
- Oqartussaaffik taanna isumaginnernut tunngasoq nunatta oqartussaaffittut tigummereermagu. taavalu nammineq taanna uagut kivinniartariaqaratsigu allanik isumalluusersunngikkaluarlut.
Kommunit avinneqarneri imaannaanngitsut
Taamaakkaluartorli Ane Hansenip kommunit avinneqarnerata kingorna isumaginninnikkut suliat ilungersunartumik inissisimanerat nassuerutigaa . Taamaammallu suliat amerlasuut naammassineqanngitsut naammassisimavaat, allallut aallartinneqanngitsut aallartillugit.
- Takusinnaavarput ukiuni arlalinni ilaatigut arajutsisoqarsimasartoq, taamaattumik aamma sulianik assigiinngitsunik annertuunik aallartitaqarnikuuvugut, soorlu assersuutigalugu Kangaatsiami.
AAMMA ATUARUK Kommunit Danmarkimut sulisunik, inissanik ilinniarsimasunillu ikioqqusut
Kommune Qeqertalik sulisumi aasaq sulinngiffeqarnerini isumagininnermi siunnersortinik pingasunik paarlattaaasunik sulisoqarsimavoq. Ane Hansenip oqarnera naapertorlugu, paarlattaasut allaanerusunik isiginiagaqarnerat sulianik ikilisaanermi iluaqutasimavoq.
- Isumaqarpunga pingaartorujussuusoq kalaallit paaseqartigisinnaasaminnik saaffiginnikkangamik inuttut avitseqatigisinnaasaminnik oqaloqateqartassasut ingerlaannaq. Kalaallisut oqaasilimmik taavalu inoriaatsimut tunngasumik paasinnissinnaasumik
Kommunit allat ikiorneqarnissamik kissaataat amerlapput
Nunatsinni Kommunit sinneri Naalakkersuisoq aqqutigalugu Danmarkimiit ikiorneqarnissamik sulisunik 65-inik kissaateqarput.
AAMMA ATUARUK Ajornartorsiutaasut qulaajarneqarluaqqaartariaqartut