Kommune piniartarfitoqqamut millioninik aningaasaliisoq
Aasivissuit Nipisallu eqqaanni inuit piniarfiinik inerisaanissamut 11,5 millionit koruunit atorneqassapput.
Qeqqata Kommunia tusagassiuutinut nalunaarummi allappoq.
Aningaasat puttasunik, ikaartarfinnik paasissutissatullu atortussanut ilaatigut atorneqassapput.
AAMMA ATUARUK Kitaani kommunit nunatsinni nunamik nutaamik eqqissisimatitaqalerusuttut
Sisimiuni Kangerlussuarmilu katersugaasiviit takornarianut allanullu nuna ukiuni tusindilikkaani piniarfiusimasoq pillugu ilisimasaqarnerulersitsinissamut aamma ilaatinneqassapput.
Aasivissuit – Nipisat pillugit
Aasivissuit – Nipisat Sermersuup immallu akornanni Inuit Piniarfii, 400.000 ha-mit annertunerusumik piniartarfimmik ataqatigiittumik imaqarpoq, ukiut tuusintilikkuutaani tallimani najugaqarfigisimaneratigut, piniariaatsitsigut, tupeqarfitsigut nunami
isorartusuumi siaruaateqarlutik inissisimasutigut immikkoortup atorneqartarsimaneranik takussutissaqarluni.
Nunarsuarmioqatigiinnut kingornussassatut immikkoortumi pingaarnertut arfineq-marlunnik immikkoortoqarpoq, immikkoortuni assigiinngitsutigut oqaluttuassartaqarlutik, taamatullu ukiuni 4500-t ingerlanerani assigiinngitsunik takussutissaqarlutik.
Tigusiffik: Qeqqata Kommunia
Pilersaartut aningaaseriviit arlallit tapersiineratigut aamma Namminersorlutik Oqartussanit piugineqartumik Visitor Centerimik suleqateqarnikkut piviusunngortinneqarpoq. Sumiiffillu pillugu oqaluttuartoqarsinnaanerulernissaa Qeqqata Kommuniani borgmesterip, Malik Berthelsenip (S) qilanaaraa.
- Qujamasuutigeqaara nuannarutigalugulu, aningaasaateqarfiit tukkoqalutik tapiissuteqarneratigut kiisalu Greenland Visitor Center qanimut suleqatigalugu Nunarsuarmioqatigiinnut kingornussassaq pillugu paasissutissanik ingerlatitseqqissinnaalissaagut, borgmesteri, Malik Berthelsen tusagassiuutinut nalunaarummi oqarpoq.
Suliaq ukiuni marlunni aallunneqassaaq.
Nuna UNESCO-p nunarsuarmiunut eriagisassanngortitaanut 2018-imi ilaalerpoq. Igitsinimi pyramidit, kinamiut qarmarsuat, Jellingstenene Ilulissallu aamma eriagisassanngortitaanikuupput.
Sumiiffimmi nasiffiit, pisuinnaat aqqutaat siunissami aamma sanaartorneqarnissaat kommunip pilersaarutigaa.