Københavnimi eqqaanilu nuna sajuppiluttoq - nunap sajunneranik nalunaaruteqartoq

Københavnimi eqqanilu inuit arlallit nunap sajuppilunneranik pingasunngornermi Danmarkimi ualiusumi nalunaaqutaq 16.15 malussarput.

Nunap sajunnerannik Europami malussarniuteqarfik Solrødimi, Københavnimiit 30 kilometerinik kujasinnerusumiittumi nunap sajunnera 3,9-mik sakkortussusilik uuttorpaa. Tamanna malussarniuteqarfiup nittartagaani atuarneqarsinnaavoq. 

Ritzau tamanna GEUS-imiit uppernarsartinniarsaraa.

GEUS-ili inuit attaveqatigiittarfianni Linkedlinimi naatsumik allagaqarpoq.

- Inuit amerlasuut  Sjællandimi maajip 20-anni 2026 -mi sajuppillannernik misigisaqarsimasut ilisimavarput. 

- Pisimasoq nunap sajuttarneranik ilisimasalittatta misissuleruttorpaat.

Periarfissaqaleriarutta ugguuna nutartereqqissaagut, GEUS allappoq. 

Amerlasuut sajuppillarnernik malussarput. 

Sajuppilunneq allat Sjællands Oddemi, Københavnip kujataani sajunnerup qeqqaniit 80 kilometerinik ungasitsigisumiittuumi malugineqarsimasoq, Ritzau ilaatigut nalunaarfigineqarpoq. 

Kalerrisaarutinik qitiusumik tigooraaffik Sjællandimi sajuppillannernik pingasunngornermi ualikkut amerlasuunit nalunaarfigineqarpoq. Illoqarfiit pungaarnersaata upalungaarsimasui taama nalunaarpoq. 

- Nunap sajussimanissaa ilimanarpoq. Nutaarsiassanut malinnaanissaq kajumissaarutigaarput. 

- Arlaannik ajoqusertoqarsimaneranik suli nalunaartoqanngikkallarpoq, upalungaarsimasut X-ikkut nalunaarput. 

Ritzau Københavns Politimut nunap sajuppillaqqammernerata kinguninngua attaveqarpoq, taakkuali sajuppillannernik nalunarfigineqarsimanngillat. 

/RITZAU/

Sjællandip qiterpasissuani kujasissuanilu politiini sillimasut pisortaat sajuppillannerit kinguninngua 15 minutsit qaangiuttut oqaluttuarpoq, politiit sajuppillannernik nalunaarfigineqarsimasut, taamali nalunaaruteqarneq politiit iliuuseqarnissaannut pissutissaasimanngilaq.