KNR pillugu nutaarsiassat

KNR KNR TV-p 2015-imi pisimasut kingumut qiviarfigai

Ukiumi qaangiutilersumi pisimasut ilaat KNR-ip unnugu kingumut qiviarfigalugit sammissavai. Naalakkersuisut nutaat sulilerput, Nunarput piiaveqaqqilerpoq, Folketingimut nutaanik ilaasortaatitaqalerpugut,dronningi Nunatsinnut tikeraarpoq Nunarpullu Ironmanit nunarsuarmi pissartanngorniuunnerini Hawaiimi ingerlanneqartumi siullerpaamik peqataatitaqarpoq. 2015-imi pisorpassuit taakku ilagiinnarpaat.

Allattoq Paasissutissat KNR / KNR Info

decembarip 10-at 2015 12:06

Ukiup ingerlanerani inuit pingaarnerit pisimasut qanoq misigisaqarfigisimanerlugit nammineerlutik oqaluttuarissavaat.

- Kingumut qiviarnitsinni pisimasuni inuit tunuliaqutaasut takutinnissaat pingaartissimavarput. Qanoq pisoqarnersoq ilisimavarput, inuilli pisut qeqqinnaaniittut qanoq misigisaqarfigisimaneraat ilisimasaqarfigivallaanngilarput, nutaarsiassaqartitsivimmi pisortaq Mikkel Bjarnø Lund taama oqarpoq.

Tamannarpiarlu ilaatigut Kim Kielsenip, Aaja Chemnitz Larsenip, Maliina Abelsenip, Makka Kleistip Jens B. Frederiksenillu oqaluttuarissavaat.

Kassaaluk Kristiansen aamma Paarnaq Hansen aallakaatitassiami nuannersumi persuarsiorfiunngitsumilu aqutsisuussaapput.

- Juullerpalaartitsisinnaassalluta neriuutigaarput tamatumunngalu peqatigitillugu pisimasut pingaarnerit saqqummiullutigit, aqutsisussat taama oqarput.

Aallakaatitassiaq unnugu nal. 19:45 aallakaatinneqassaaq

KNR KNR TV-p 2015-imi pisimasut kingumut qiviarfigai

Aamma atuaruk