KNR KNR TV-mi meeqqanut aallakaatitassiat nutaat

Inuusat Carsten & Gitte silarsuarmut tikilluaqqusipput tassani orpippassuit uppitinniarpaat, napparsimavimmut pulaarniarput aamma nerisassat pinnguariniarpaat. Carstenip aamma Gittep mianeraat meeqqat tamarmik immikkut ittuunerat aamma assigiinngitsunik soqutigisaqarnerat. Miki Mikileqqami pineqarpoq eqeqqoq, taassuma qatsulluinnarpaa sunut tamanut mikivallaarnini. Ikinngutiginerpaasani uniaaluk ilagalugu suut tamaasa misigisaqarfigaat aamma annertuunik takorluugaqarlutik. Fup aamma Svindel cirkusip qamutaani najugaqarput taanna taamaallaat centimeterinik marlunnik portussuseqarpoq. Ikinngutigiit taakku marluk imminnut qinngasaarunneq nuannarisaraat aamma nammineq ataatap / erneratalu pissangarnartorsiornerat oqaluttualiaraat. Naggasiullugu Sunaagami Taanna John aamma Ulrik taakku nammineq isumaqarput, tassa nammineq nunarsuarmi uppinnit pikkorinnerpaanit tamani suli pikkorinnerullutik.

Aallakaatitassiani tamani qitiutinneqarpoq ilinniarnissamut kajumissaarineq aamma meeqqat nutaaliorsinnaanerat.

Siullermik aallakaatitsisoqassaaq ataasinngorneq 1. septembari nal. 18.00.

Paasissutissat annertunerusut pillugit attaveqarfigiukTV-mi aallakaatitassanut pisortaq Jan Berg jbe@knr.glimaluunniit Piorsaavimmi pisortaq Niels Pavia Lynge npl@knr.gl  36 15 00.