KNR nutaanik siulersuisortaalerpoq
KNR-imi siulersuisunut qinigaaffik nutaaq 2012-mi ukiortaami aallartissaaq, tassanilu Kompetance Kompagniet-imi sulisoq Hans Peter Poulsen siulittaasuussaaq.
Naalakkersuisut aamma toqqarpaat Ludvig Emil Lyberth KNR-mi siulersuisuni ilaasortassasut sinniisoralugu Marie Sommer.
Sinerissami radioqarfiit tv-qarfiillu suleqatigiiffiatat STTKp KNRip siulersuisuini ilaasortassamissut toqqarpat Jens Klaus Lennert Sisimiut Tusaataaneersoq.
Ilimmarfimmi tusagassiornermut immikkoortoq sinnerlugu ilaasortanngorpoq Thora H. Nielsen sinniisoralugu Vivi Sørensen.
Kommuneqarfiit kattuffiata Kanukokap ilaasortassamisut toqqarpaa Karl Davidsen Svend Møller sinniisussaralugu.
Eqqumiitsuliortut kulturikkullu suliniartut kattuffissuata Eqqumiitsuliornikkut Pinngorartitsisut Ingerlatsisullu Leif Immanuelsen ilaasortassamissut toqqarpaat Hans Anthon Lynge sinniisoralugu.
KNR-imi sulisut Henriette Rasmussen ilaasortassamissut toqqarpaat Karline Platou sinniisussaralugu.
