KNR-ip pisortaata TELE-p teknikkikkut ajornartorsiuteqarnera ernumagigaa

Taamaattoqaannassappammi ajunaarnersuaqassagaluarpat nalunaarutit pingaarutillit radiukkut tv-kkullu sukkasuumik ingerlateqqinneqarnissaat ajornakusuussaaq.

- Ernummatigaarput. Nunaqarfiilluunniit orneqqusaannginneranni massakkut arlaannik ajutoortoqassagaluarpat kingunipiloqarsinnaanera ernummatigisinnaavarput, mianersoqqussutinik imaluunniit nalunaarutinik assigiinngitsunik allanik radiukkut nalunaarsinnaannginnatta, Karl Henrik Simonsen oqarpoq.

AAMMA ATUARUK TELE bedes informere bedre

KNR upalungaarsimanermi pingaarutilinnik innuttaasunut nalunaaruteqarnissamik pisussaaffeqarpoq. Soorlu Nuugaatsiami tassaarsuaqarmat, kingornalu qimarngutsitsinermi nalunaaruteqaqattaartoq.

KNR-ip pisortaa ernumasuni kisimiinngilaq. Aamma Kelly Berthelsen ajunaarnersuaqassagaluarpat attaveqaatit atorlugit nalunaartoqarsinnaanissaa pingaartuusoq nalunaarutigereerpaa.

Taamalu ernummateqarneq paasinartoq, Telep attaveqaqatigiinnermut pisortaa, Arnakkuluk Jo Kleist oqarpoq.

AAMMA ATUARUK Tele Postip TV-mut radiomullu attaveqaatit aaqqinniarsarigai

- Ernumassut taanna soorunami paasisinnaavarput, aamma suliaq una pingaartittorujussuuarput. Tassa imaappoq, nassaarigatsigulli suliaq malinnaavigeqqissaarparput aaqqinniarlugulu, Arnakkuluk Jo Kleist oqarpoq, KNR-ilu piffissap ilaani ajoquteqanngitsumik aallakaatitsisartoq erseqqissaatigalugu.

Aamma innuttaasut attaveqaatit allat atorlugit nalunaarfigineqarsinnaasut taassuma erseqqissaatigaa.

AAMMA ATUARUK Stadig udfald i udsendelser

- Ilaatigut Aasiaat Radio, KNR, attaveqaatit assigiinngitsut atorlugit nalunaaruteqartarpugut, Telemi attaveqaqatigiinnermut pisortaq, Arnakkuluk Kleist taama oqarpoq.

Ajornartorsiutit qaqugu iluarsiivigineqarnissaat suli nalunarpoq.

AAMMA ATUARUK TELE-POST beklager problemerne med internettet