KNI sinneqartooqqippoq

Sinneqartoorneq KNI-mut ineriartorfiullunilu angusarissaarfiulluarpoq. KNI A/S akileraarutit suli ilanngaatigineqannginneranni 103 millionit koruuninik sinneqartoornermigut siornatut sinneqartoorpoq. Akileraarut ilanngaatigereerlugu 70 millionit koruuniupput.

Taamaalilluni naqissuserneqarpoq KNI suliffeqarfissuusoq aningaasatigut patajaatsumik inissisimasoq.

Nioqqutissanik pilersuineq 66 millionit koruuninik sinneqartoorfiuvoq, ukiullu siuliani sinneqartoorutit 38 millionit koruuniullutik.

AAMMA ATUARUK Niels Thomsen siulittaasutut tunuartoq

Angusarissaarnerunermut ilaatigut pissutaapput kaaviiaartitaqarneruneq, aningaasartuutikillisaaneq aningaasartuutinillu aqutsilluarneq, kiisalu nioqqutissanik pingaarutilinnik akikilliliisimaneq.

KNI-imi pisortaaneq Peter Grønvold Samuelsen tusagassiuutinut taama nalunaaruteqarpoq.

KNI ukiumi naatsorsuuteqarfiusumi 2017/18-p naanerani 934-nik sulisoqarpoq.

KNI-p namminerisaminik Niuertunngorniarnermik ilinniartitaanera ingerlallualereerpoq. Nutaatut Ikummatissaasivilerisunngorniarneq pilersinneqarsimalluni.

KNI A/S 62-nik ilinniartoqarpoq, tamannalu ukiup siulianut sanilliullugu 20 procentinik siuariarneruvoq.
Ilinniartummi naammassisartut ilarpassui KNI A/S-imi suliffeqaannartarput

AAMMA ATUARUK KNI akiliisinnaajunnaartoqarneratigut annaasaqangaatsiarsinnaasoq

KNI-imi ukiumoortumik sinneqartoorutit Pitsaasut ApS pillugu suleqatigisap ukioq
akiliisinnaajunnaarneratigut 20 millionit koruuninit annaasaqaataasimanerannit sunnerneqarput.

AAMMA ATUARUK KNI-p nammineq aningaasaatimigut 1 mia.-it anguai