GE qulaanniit ammut oqariartornerpalaartumik pissuseqarnera qatsunneqarpoq
- Immaqa oqaraanni qitiusuminngaaniit soorlu qulaanniit ammut oqariartornerpalaartumik oqariartoqattaartarneq ingammik GE-p atugarisartagaa, arlaliugunarpugut qatsussisut, Namminersorlutik Oqartussat pigisaanni KNI-mi siulersuisuni siulittaasoq taama oqarpoq.
Taassuma ilanngullugu erseqqissaatigaa, Kalaallit Nunaanni pissutsit suut ajunngitsuusariaqarnerannik ajortuunerannillu GE nalilersuisussaanngitsoq.
KNI: GE pisussaaffini sinningaatsiarpaa
- Sulisitsisut kattuffiattut atuuttusaagaluarluni, uanga isumaga malillugu pisussaaffitsit sinningaatsiarlugu inuiaqatigiinni kalaallini suna ajunngitsuunersoq aamma suna ajortuunersoq dommerinngorfigisarpaat.
Sulisitsisut Peqatigiiffiani GE-mi pisortaap Brian Buus Pedersenip Niels Thomsenip sunarpiaq isornartorsiorneraa paasiuminaatsippaa.
- Isumaqarnerpa, politikkikkut oqallinnermi akuliuttassannginnersugut , Brian Buus Pedersen aperivoq
GE: Inuussutissarsiuteqartut sinnerlugit saqqummiussisarpoq
GE-mi pisortap nassuiaatigaa, inuussutissarsiuteqartut kattuffaat inuiaqatigiinni pingaaruteqartutut inissisimammat assersuutigalugulu tusarniaanerit 250-it ukiut sisamat ingerlanneranni akissuteqarfigineqarsimammata.
Taassuma ilanngullugu oqaatigaa, kattuffik taamaaliortarnermigut inuiaqatigiinni oqallinnermi akuliuttarmat.
- Tamannalu pisussaaffiusoq pissusissamisoortuusorlu isumaqarpunga, tassami inuussutissarsiuteqartut kattuffiagaatigut, inuussutissarsiuteqartut soqutigisaannik isumaannillu sapinngisaq tamaat saqqummiussiniartartussaq.
KNI-mi siulersuisut siulittasuat isumaqarpoq, GE inuiaqatigiinni akuliuttariaqanngitsoq.
- Ingaammik malugisinnaavara, uattut inuusuttugisut akornanni, periuseq taanna, qulaaniit ammoorpalaartumik oqariartornerani, immaqa iluaagilaarsinnaagaluarlugu qisuariarfigalugit oqaaseqartannginneq, taannaavoq qisuarfigisara Niels Thomsen taama oqarpoq.
Aamma atuaruk KNI sulisitsisunit ilaasortaajunnaarusuppoq
Sulisitsisut Peqatigiiffianni pisortap ajornartorsiutip suunera paasiuminaatsippaa
- Niels Thomsenip nipageqquppatigut, tamanna eqqumiitsorujussuusoq paasiuminaatsuusorlu isumaqarpunga. Politikikkut oqallittoqarnerani peqataanissarnissarput pisussaaffitta ilagaat, Brian Buus Pedersen GE-mi pisortaq oqarpoq.