Politikki Inuussutissarsiutit

KNAPK-p aalisartut nunaqavissut pisinnaatitaaffii inatsisitigut ersarissaqqugai

Aalisarneq pillugu inatsisissamik nutaamik suliaqarnerup naammassineqartariaqarnera aammalu aalisartut nunaqavissut pisinnaatitaaffiisa inatsisitigut ersarissarneqarnissaat aalisartut piniartullu kattuffiata, KNAPK-p, nunatsinni partiinut tamanut saaffiginnissutimini tamanut ammasumi erseqqissaatigaa.

Allattoq Hagen Højer Christensen

novembarip 26-at 2014 07:28

KNAPK-p siulittaasuata, Henrik Sandgreenip, erseqqissarpaa kalaallit aalisartut aalisarsinnaanermut akuersissummik pigisaqartut nunatta imartaani aalisarnermi pisassiissutinik tunniussinermi salliutinneqartassasut - tamannalu sinerissap qanittuani aammalu avataasiorluni aalisarnermi atuutsinneqassasoq.

Peqatigitillugu Nunatsinni postboksit atorlugit "najugaqartarnerup" unitsinneqartariaqartoq aamma piumasaraa.

AAMMA ATUARUK KNAPK: RG namminersortunngortinneqarli

- KNAPK-p Inatsisartunut ilaasortanngorumaartussanut kiisalu minnerunngitsumik Naalakker-suisuutitaqalertussanut ilungersortumik naqissuserusuppaa aalisartut nunaqavissut pingaartillugit kiffartuuttariaqarmatigit, aammalu aalisartut nammineq oqaatsitik atorlugit saaffiginnissinnaanerat qulakkeeqqullugu - Naalakkersuisuutitaqalertussat tamanna siullerpaajullugu aaqqittariaqarpaat – nunatsinni kikkut oqartussaviuneri piviusunngortillugu, KNAPK-p siulittaasua Henrik Sandgreen taama allappoq.

KNAPK-p aalisartut nunaqavissut pisinnaatitaaffii inatsisitigut ersarissaqqugai

Aamma atuaruk