Umiarsualiviit atuisunit akilerneqartarnissaannut KNAPK sakkortuumik akerliuvoq: Aalisartut akiligassaqareeqaat
Alisartut umiarsualivinnik atuinissaminnut akiliisarnissaat akuerineqarsinnaanngillluinnarpoq. Angallatimik nutarternissaat nammineq pisariaqaartippaat.
KNAPK-ip siulitaasua Nikkulaat Jeremiassen oqarpoq.
Illoqarfiit umiarsualivii nungullarnikuupput arlallillu nutaaliaajunnaareerlutik. I alt er der ifølge Naalakkersuisut naapertorlugit umiarsualivinnut nungullarnikunut kinguaattoorutit koruunit 270 milliuuniupput.
Tamanna aningaasalerniarlugu umiarsualiviillu ingerlaavartumik aserfallatsaaliniarlugit Naalakkersuisuusimasut massakkullu attaveqaasersuutinut naalakkersuisup Marianne Paviasenip (IA) anguniagaraat Nuummi umiarsualivimmik atuisut akiliisarnerat illoqarfiit annerusut allat umiarsualiviinut aamma atuutilersinniarlugu.
Kisianni naalakkersuisooqataasumit Naleqqamit aamma Siumumit isornartorsiorneqarpoq. Umiarsualiviit nuungullarnikut piumaneruaat umiarsualivinnik atuisut akiliisarnissaannit.
AAMMA ATUARUK Napaattooq: Naalakkersuisut umiarsualivinnik atuinermut akiliititsisarunnaassapput
KNAPK aamma maama isumaqarpoq.
Formanden for KNAPK-ip siulittaasuata tunngavilersuutigaa sinerissamut qanittumi aalisartunit aningaasanik aallernissaq akuerineqarsinnanngitsoq, taakkumi angallatimik nutarternissaannut akissaqanngimmataluunniit. .
- Aalisartut akilersugaat naamareerput, aamma nutarterinissamut allanullu akit eqqarsaatigalugit periarfissaqanngillat qaavatigut taamak nanertuusersorniarneqarnerat kattuffimmiit akuerinngilarput.
- Ilaasortatta, kattuffimmi ilaasortatta akuerinngilluinnarpaat taamak akilersuisinneqarnertik Nuummiut, aammalu sinerissamut siaarneqassappat aamma taamatut akuerineqarsinnaangilluinnarluni. Atuisut taamak akilersuisinneqarnissaat akuerinngilarput aamma kattuffimmiit.
Naalakkersuisut atuisut akiliisarnissaat aalajangiusimaannarpaat
Kisianni attaveqaasersuutinut naalakkersuisoq Mariane Paviasen nikinngilaq. Umiarsualivinnik atuisut akiliisarnissaannut pilersaarut pillugu isummani allanngortinngilaa. Allakkatigut akissummini ilannguppaa partiit attuumassutillit sammineqartoq pillugu oqaloqatiginerat ingerlasoq.
Naalakkersuisut akiliititsisarsinnaasut akinillu aalajangersaasinnaasut, umiarsualiaviit pillugit Inatsisartut inatsisaanni allaqqavoq.
Nuummi atuisut akiliisarnerat kingulleq kisiartaasorlu tassaavoq Sikuki Nuuk Harbour A/S umiarsualivimmik atuinermut akiliisitsisartoq.
Sikuki A/S ingerlatsiviuvoq aningaasaqarnermut inatsisinit aningaasaliffigineqarneq ajortoq. Atuisut akiliutaannik aningasaqartinneqarpoq, assersuutigalugu aalisartut akiliigaangata.
Kisianni umiarsualiviit angallatillu allat aamma umiarsualivimmik atuiumallutik akiliisassapput. Assersuutigalugu tassaapput umiarsuit takornariartaatit,kilisaatit aamma Royal Arctic Linep assartuutai.
AAMMA ATUARUK Knaster i koalitionen: Uenighed mellem Jens Napaattooq og Mariane Paviasen
Kisianni aalisartut angallatilu allat umiarsualimmik atuinermut qanoq akiliisassappat?
Sikuki Habourip akigititai naapertorlugit aalisakkat qaleruallillu usingiaatigissagaanni koruunit ton-imut 38,64 akiliutigineqartassapput. Taavalu pisartakkat assigiinngitsut aalisartut aningaasartuutigisarpaat apeqqutaalluni kommunip umiatsinut talittarfii imaluunniit umiarsualivimmi talittarfiit atorneqartarnersut.
Kommunip talittarfiutai aalisartut atortarunikkit Sikuki Harbourimut akillisassanngillat. Kisianni aalisartut umiarsualiviup talittarfiani inissaqassagunik ukiup affakkaarlugu koruuninik 9.937-nik akiliisassapput.