Nunap assingi nutaat suliarineqalersut
Nunatta assiliorneqarnera ullumikkut misissuataaraanni, nunap assingi ukiut 30-t sinnerlugit pisoqaassuseqarsinnaapput paasissutissallu tunngavigineqartut ukiunik 80-inik pisoqaassuseqarsinnaallutik.
Tamannali allanngortinneqartussanngorpoq. Nunattami ilaa sermiunngitsoq ukiut sisamat atorlugit 2021-p naalernerata tungaanut nutaamik assiliorneqartussanngorpoq.
AAMMA ATUARUK Nunarput nutaamik nunap assiliorneqassaaq
Qaammataasamit assilisat tunngavigalugit nunap assinginik digitaliusunik, nunat aqqinut nunallu qutsissusiinut paasissutissartalinnik suliaqartoqassaaq.
Paasissutissat nunallu assingi tamanut atugassanngortinneqassapput. Innuttaasunut, suliffeqarfinnut pisortanilu oqartussanut. Nunatsinni ineriartortitsinermi sakkussaassaaq sillimaniarnermullu pitsanngorsaataassalluni, Aatsitassanut, Suliffeqarnermut Nunamullu namminermut naalakkersuisoq, Vittus Qujaukitsoq oqarpoq.
AAMMA ATUARUK Isumasioqatigiinneq immap assingi pillugit nutaanik paasisaqarfiunngitsoq
- Nunaannarmut nunap assinginik nutaanik suliaqartoqarnera aatsitassanik piiaaneq pillugu suliaqarnissamut takornariartitsisarnerullu ineriartorteqqinnissaanut pitsaanerusumik tunngavissaqartitsissaaq. Aamma pinngortitami angalaneq isumannaannerujussuanngussaaq, naalakkersuisoq oqarpoq.
Aammattaaq illersornissamut qullersaqarfik ilaatigut ujaasinermut annaassiniarnermullu nunap assinginik pitsaanerusunik paasissutissanillu eqqornerusunik pisariaqartitsivoq.
AAMMA ATUARUK Søkort bliver først speedet op i 2020
Nunap nutaamik assiliorneqarnissaanut 60 millionit koruunit immikkoortinneqarput.
Aningaasallu Danmarkimi aningaasanut inatsimmit, A. P. Møller Fondenimit aamma Illersornissamut qullersaqarfimmit aningaasaliissutigineqarput.
AAMMA ATUARUK Saammarsaatissamik imaqarpianngitsumillu isumaqatigiissuteqartut
Nunap assingisa assigiinngissutaat uani takusinnaavatit:
Nutaannginneq
Nutaaq