Isumasioqatigiinneq immap assingi pillugit nutaanik paasisaqarfiunngitsoq
Danmarkip silap pissusianut, nukissiuuteqarnermut pilersuinermullu ministeria Lars Christian Lilleholt, Folketingip Kalaallit Nunaannut tunngasunut ataatsimiititaliaanit aggersarneqarluni isumasioqatigiittoqarnerani taama ilaatigut ilisimatitsivoq.
Attaveqaqatigiinnermut naalakkersuisumut Erik Jensenimut siusinnerusukkut oqaatigisimasani taamaasilluni uteqqippai, Lars Christian Lilleholt Erik Jensenimik Nuummi ukioq manna aggustimi ataatsimeeqateqarnermini taamanikkut taama ilisimatitsigami.
AAMMA ATUARUK Immap assingi Folketingimi isumasioqatigiissutigineqalersut
Nunatta kitaata imartaanut immap assingi katillugit 73-it Geodatastyrelsemit 2018-ip naannginnerani naammassineqarsimanissaat pillugu 2009-mi isumaqatigiissutigineqarpoq. Geodatastyrelselli soaarsitsingaatsiarnera pissutaalluni suliaq kinguaattooqqangaatsiarpoq.
Immap assingi maannamut 32-t naammassineqareersimapput, katillugilli 73-iusussaagaluarlutik.
AAMMA ATUARUK Saammarsaatissamik imaqarpianngitsumillu isumaqatigiissuteqartut
Immap assingisa naammassillugit suliarineqarsinnaanissaat pillugu nunatta imartaani uuttortaanerit salliutinneqarnissaat, Inuit Ataqatigiit sinnerlugit Folketingimi ilaasortap Aaja Chemnitz Larsenip ataatsimiititaliap isumasioqatigiissitsinerani kaammattuutigaa.
Taamatullu kaammaattuuteqartoqarnera periarfissarsiorfigissallugu ministerip piareersimaffigaa.
Naalakkersuisut danskillu naalakkersuisui suliaq pillugu nutaamik aggustip qaammataani isumaqatigiissusiorput. Taamaakkaluartorli danskit naalakkersuisuisa immap assingisa qaqugu piareerneqarnissaannik aappaagu aatsaat ulluliisinnaanerarnerannik kinguneqaannarpoq.
AAMMA ATUARUK Ministerip kinguaattooruteqarneq nassuiaateqarfigissavaa
AAMMA ATUARUK Søkort bliver først speedet op i 2020
