Erik Jensen: Ministerip kinguaattooruteqarneq nassuiaateqarfigissavaa
Taassuma danskit nukissiuteqarnermut, silap pissusianut pilersuinermullu ministeriat, lars Christian Lilleholdt qaammatip ingerlanerani ataatsimeeqatigissavaa.
Erik Jensenip Naalakkersuisut immap assinganik suliaqarnerup aappaagu naammassineqartussaagaluartumut isornartorsiuinerat aalajangersimaannarpaa. Ataatsimiinnissamullu qilanaarpoq.
- Ministerip kinguaattuunnginneruffiusumik immap assinganik suliaqarnissamut periarfissanik immallu assingisa naammassinissaasa utaqqineranni nunatsinni imaatigut angallannerup isumannaatsuunissaanut qanoq allatut iliuuseqarsinnaanitsinnut nassuiaateqarnissaa qilanaaraara, Erik Jensen oqarpoq.
AAMMA ATUARUK Søkort bliver først speedet op i 2020
Naalakkersuisut kinguaattooqqanerit akuerineqaannartariaqarnerarpaat maannakkulli kinguaattooqqasoqaraluartoq pitsaanerpaamik aaqqissuteqartoqassasoq, Erik Jensen oqarpoq.
- Tamanna tutsuiginartumik piffissaleeqqinnisamut imallu assinganik suliniuteqarniarnerup aallulluarneqarnissaanut tunngavoq. Tamanna qaammatip ingerlanerani isumaqatigiissutigisinnaassagipput neriutigaara, Erik Jensen oqarpoq.
Immap assingi aappaagu naammassereertussaagaluartut Geodatastyrelsep assit suliarineri 2020-mi aatsaat aallartinneqarnissaat naatsorsuutigaat. Qaqugorpiarlu naammassissanersut oqaatigineqarsinnaanngitsoq ilisimatitsipput.
AAMMA ATUARUK Immap assinginik suliaqarneq unittooqqaffiusoq
AAMMA ATUARUK Immap assingi pillugit isumaqatigiissuteqaqqinnissaq sivisunaarukkaat
