Ritzau Inuussutissarsiutit Kulturi Nunanit allanit

Kitaariliorfissuaq matoqqajaasoq

Kitaariliorfissuaq tusaamasaq Gibson, kitaarinik aamma nunatsinni kitaarertartunit nuannarineqarluartunik tunisassiortuusoq matoqqajaavoq.

Allattoq Ritzau, Karsten Sommer

februaarip 20-at 2018 08:36

Nutserisoq Simon Uldum -

Gibson Brands, Michiganimi 1902-mi pilersinneqartoq Nashville Tennesseemilu qullersaqarfeqartoq, ukiut ingerlanerini tusamaasarsuanngorsimavoq, maannali aningaasaqarnikkut ajornartorsiulersimalluni.

Gibson Brandsip akiligassaqarfimminut 375 millionit dollarsit kingusinnerpaamik aggustimi akilertussaagai, aviisi Nashville Post taama allaaserisaqarpoq. 375 millionit dollarsit 2,25 milliardit koruunit missaliorpaat.

Kitaariliornerup Gibson rockimik nipilersornerup silarsuaani immikkuullarissumik inissisimatilerpaa.

Tusaamasarsuit, ilaatigut Elvis Presleyip, John Lennonip, B.B. Kingip, Keith Richardsip Rolling Stonesimeersup Jimmy Pagellu Led Zeppelinimeersup Gibsonip kitaariliai innaallagiamoortut atugaraat.

Kitaari innaallagiamoortuunngitsoq Elvis Presleyip angumminit 1969-imi tunissutigisaa 2016-imi akitsorterussinermi 2 millionit koruunit sinnilaarlugit tunineqarpoq.

Aamma John Lennonip erinarsuutit nuannarineqarluartut "All My Loving" aamma "She Loves You" erinnioramigut kitaari Gibsonimeersoq atorpaa.

Aamma eqqaalaassavarput nunatsinni kitaarillammassuup Hans Jukku Noahsenip angallateqarsimammat qimmeqarlunilu Gibsonimik atsersimasaminik!

/ritzau/AFP

Kitaariliorfissuaq matoqqajaasoq

Aamma atuaruk