URANI Kirkegaard: Siumup politikkiat ersarippoq
Folketingimut ilaasortap Siumumeersup, Aleqa Hammondip, kisimi pinnani aammali Siumup politikkikkut oqaaseqartartuata, Jens Erik Kirkegaardip IA-p politikkikkut oqaaseqartartuata, Aqqaluaq B. Egedep, uranimi piiaasinnaanermik apeqqummut atatillugu oqallinnermi Siumut pissaanermik atornerluinerarlugu pissuutitsieneranut illuatungiliipput.
Aqqaluk B. Egedep tusagassiutinut nalunaaruteqarluni Siumut ilaatigut isornartorsiorpaa, uranimik piiaanikkut isertitassat innuttaasut peqqissusiannit pingaartinnerunerarlugit.
Taassuma Aleqa Hammond Folketingimi tusarniaasoqarnerani erseqqissumik oqarsimanerarpaa, uranimik piiaanikkut aningaasarsiupallannisssaq innuttaasut peqqissuunissaasa qulakkeernissaaniit kissaatiginerugini.
IA aalajangeritsi
Aqqaluk B. Egedep aamma Siumut sallunerarpaa, Naalakkersuisut uranimik piiaasinnaanermut inatsisinik inaarsaaaleruttorneraramigit, naak IA-meersoq naapertorlugu Siumut siornatigut oqarsimagaluartoq "aatsaat innutaasut peqqissussat ajoquserneqassanngitsoq qulakkeerneqareerpat, uranimik piiaanissaq akuerineqassasoq".
- Kisianni Siumup politikkia nalorninanngitsuaannarnikuuvoq, Jens Erik Kirkegaard tusagassiutinut allagaqarluni erseqqissaaavoq.
Aamma atuaruk Aleqa Hammond: Inatsisigut illersuereerput
Aamma atuaruk IA: Partii Siumut isummertariaqarpoq
Taassuma ilaatigut tikkuarpaa, IA GME-kkut uran-imut misissueqqissaarnissaannik akuersissummik tunissallugit aaliangersimasut, taamani Kuannersuiarni suliniut
- Inuit Ataqatiilli aaliangerput iliuuseqarlutillu december 2011-imi, tassalu suliniut ingerlaannassasoq, Jens Erik Kirkegaard allappoq.
IA sangujoraarnerarpaa
Taassuma aamma uranimik piiaasinnaarneq pillugu innuttaaasunik taasisitsisoqassagaluarpat inernerujumaartumik ataqqinninnissamut, Inuit Ataqatigiit nakimanerarpaanalorninerarlugulu.
- Siumut periarfissani arlalinni nakimanani nalorninaatsumillu nalunaartarpoq aatsitassarsiorfiit, aatsaat inatsik naapertorlugu ingerlassinnaappata, peqqinnissaq, avatangiisit sillimaniarnerlu eqqarsaatigalugit.
Aamma atuaruk Innuttaasut taasitinneqarnissaat pillugu Inuit Ataqatigiit isumaat erseqqinngilaq
- Aamma Siumut nakimanngitsumik aaliangersimasumik politikkeqartuarpoq. Siumup politikkia nuna tamakkerlugu ataatsimeersuarnermi aaliangiuttarpoq, ilaasortaniit nuna tamakkerlugu aggersunit. Inuit Ataqatigiit nakimanerat sangujoraarnerallu naluara nuna tamakkerlugu ataatsimeersuarnermi aaliangiussaanersoq imaluunnit nuna tamakkerlugu ataatsimeersuarneq avaqqutaarlugu ingerlanneqarnersoq, Jens Erik Kirkegaard, IA-miit isornartorsiutinut akivoq.
