URANI Aleqa Hammond: Inatsisigut illersuereerput

Inuit nunatsinni peqqissusaat innarlitsaaliornagu uranisiiornikkulli aningaasarsiupallannissaq Aqqqaluaq B. Egede naapertorlugu Aleqa Hammondip kissaatigigaa, Inuit Ataqatigiit politikkikkut oqaaseqartartuata Aqqaluaq B. Egedep tusagassiuutinut nalunaarummini uissuummissutigaa. 

- Naak Siumut oqartuartaraluartoq, aatsaat inuit peqqissusaannut avatangiisunullu piumasaqaatit qulakkeeqqaarlugit uranimik piiaanissaq akuerineqassasoq, Aqqaluaq B. Egede oqarpoq.

Kisianni aatsitassanik piiaanerit tamarmik Inatsisigut malillugit pissaaq, inatsisittalu avatangiisit, innuttaasut, sulisullu illersorpaat, Aleqa Hammond KNR.gl-mut isummersorluni allappoq.

- Uranimulli naaggaarluinnarnerup atorunnaarsinnera namminersulivinnissatta qulakkeernissaanut, aatsitassaatitsinnik piaasinnaatitaanitsinnut namminerlu isertitaqarnissatsinnut tunngasuuvoq, Aleqa Hammond allappoq.

- Isumannaallisaanermut piiiaanermullu pitsaasutsit qanoq ittuunissaat oqallisigisinnaavagut taamaaliortariaqarlutalu. GME-p qinnuteqaatini tunniutereerpagu, tusarniaanermi oqallisigissallugu periarfissaqassaagut. Kuannersuarni piiagassaq isumannaatsumik piiarneqarsinaanersoq taamanikkussaq aatsaat ilisimalissavarput, Aleqa Hammond allappoq erseqqissarlugulu,  IA-p tunngaveqanngitsumik eqqoriaaginnaasumillu isornartorsiuinerata ersersikkaa, partii piviusunik imaluunniit ilisimasat tunngavigalugit oqallinermik soqutigisaqanngitsoq.

      Aamma atuaruk URANI IA: Partii Siumut isummertariaqarpoq

Aamma atuaruk URANI Innuttaasut taasitinneqarnissaat pillugu Inuit Ataqatigiit isumaat erseqqinngilaq