Kinap præsidentiata Carrie Lam taperseraa
Kinami naalagaaffiup nutaarsiassaqartitsivia, Xinhau, taama allaaserisaqarpoq.
Kinap præsidentia Hongkongimilu naalakkersuisut siulittaasuat Hongkongimi ilaannakuusumik namminersortumi qaammatini arlaqartuni akerliussutsimik takutitsinikkut eqqissiviilliortoqaqattaareersorlu Danmarkimi nalunaaqutaq naapertorlugu marlunngornerup unnuaani naapipput.
AAMMA ATUARUK Uro sender Hongkong i recession
Hongkongimi eqqissiviilliortoqarunnaaqqullugu Kina Carrie Lamimik tunuartitsinissaminik pilersaarsorineqareersorlu Jinping Hongkongimi naalakkersuisut siulittaasuannut, Carrie Lamimut, tapersiinerarpoq.
AAMMA ATUARUK Hongkongimi eqqissiviilliortoqarnera aningaasaqarnermut nalorninartorsiortitsilersoq
Kinami aqutsisut kommunistiusut tamat oqartussaaqataanissaannut pisinnaatitaaffinnik killilersuileraluttuinnarnerarneqarput, akerliussutsimillu takutitsisut oqartussaaqataanissaminnut kiffaanngissuseqartitaanerulernissartik piumasaraat.
AAMMA ATUARUK Hongkong-leder advarer USA mod at blande sig efter protester
Akerliussutsimik takutitsisut ilarpassuisa Carrie Lam Kinamut kiffartuussivallaarsorimmassuk tunuartinneqarnissaa piumasaraat.