Eqqissiviilliornerit Hongkong aningaasarsiornikkut ingerlanerliortileraat

Hongkongimi naalakkersuisut kisitsisit saqqummiussaanni tamanna erserpoq.

Hong Kongimi piffissami sivitsortumi eqqissiviilliortoqarnera aamma USA-p Kinallu akornanni nuernikkut saqitsaassuteqarnerup aningaasaqarneq 3,2 procentimik appartippaat.

AAMMA ATUARUK Qaartartut ikuallassaatillit gassilu qulliliornartoq Hongkongimi atorneqartut

Aningaasaqarneq ukiup affaata aappaani annikillivoq. Aningaasaqarnikkut ingerlanerliorneq ukiup affaasa marluk ingerlaneranni aningaasaqarnerup annikillineratigut pisarpoq.

Ukioq kingulleq piffissap taamaalinerani aningaasaqarnermut sanilliukkaanni tamanna 2,9 procentimik appariarneruvoq.

AAMMA ATUARUK Tusagassiorfik: USA-mut niuernikkut isumaqatigiittoqarsinnaanera Kinamit qularineqartoq

Ukioq 2019 Hongkongimi aningaasaqarnerup ineriartunngiffigissagunaraa Hongkongimi siuttup, Carrie Lamip sisamanngornermi paasititsissutigaa.

Eqqissiviilliortitsinerit takornariaqarnermut atugassanillu nioqquteqarnermut aamma eqquinerlupput.