Kinap oqaluttuartassartaanik Campus Kujalleq tunissuteqarfigineqarpoq
Kinap Danmarkimi ambassadøria Liu Biwei Kommune Kujallermut tallimanngormat tikeraarpoq.
Lie Biwei siusinnerusukkut avannaaniippoq Arctic Circlemi ataatsimeersuartoqarneranut atatillugu nunatsinniikkami tassungalu atatillug Kujataanut tikeraarpoq.
Liu Biwei kujataani ilinniarnertuunngorniarfimmut niuernermullu ilinniarfimmut Camput Kujallermut tallimanngornermi maajip ulluisa 13-anni pulaarpoq, tasssani kalaallit kulturiannik kinaassusiannillu saqqummiussiffigineqarpoq soorluttaaq nammineq peroriartornermini oqaluttuarisaaneq ilinniartunut oqaluttuarigaa, Campus Kujalliup tusagassiortunut nalunaarutaani taama allassimvoq.
- Assilialiorluni eqummiittsuliornermut ilinniartut eqqumiitsuliortup Aka Høegip GU aulata iigaanut qalipagai saqqummiuppaat ilinniartitsisortik Malen Muurmann peqatigalugu, qalipakkani taakkunani eqqumiitsuliorneq kinaassuserlu ersersinneqarput.
Niunernermut Ilinniarfimmi nipilersortartoq Nikolaj Lønstrup nammineq erinarsuusiaminik tusarnaartitsivoq tusarnaartorpassuani peqatigalugit ernarsorlutik, Campus Kujalleq nalunaarpoq.
KInamiut tunissuteqarput
Campus Kujallermi ilinniartitsisup Rie Oldenburgip oqaluttuarnera naapertorlugu, ambassadøri akissuteqarluni atuartuunermini ilinniartuunermilu nalaani pisut oqaluttuarai, mongoliamiullu asanninnermik erinarsuusiaannik ilinniartut erinarsorfigalugit.
Oqaluttuat erinarsornerillu nuannersut saniatigut, kinamiut ambassariat Campus Kujallerlu isumaqatigiissuteqarput, Kinap danmarkimi ambassadøriata Campus kujallermi ilinniartut ilinniarnermut atortunik ikiorniarmagit, aamma ilinniarnermut atatillugu kinamut paasisassioriartornissamut ilinniarnermullu atatillu Kina-miinnissamut periarfissanik oqaloqatigiittoqarpoq, Campus Kujalleq tusagassiuutinut nalunaaruteqarluni taama allappoq.