Kinamiut Nuummut tikeraarput
Naalakkersuisunut ilaasortap, Ove Karl Berthelsenip, Kinamut ukioq qaangiuttoq novemberimi angalanerani attaveqarnerup pilersinneqartup annertusarneqarnissaa siunertaralugu angalaqatigiit tikeraarput.
Aatsitassarsiornerup killiffia, allatigullu attaveqarnermut tunngasut, Nuummut tikeraarnerisa nalaani eqqartorneqassapput.
Kinap ministeriunerata, Wen Jiabao-ip, Europamut angalanerata nalaani tikeraarnerat pivoq. Taannami tallimanngormat arfininngormallu Islandimiippoq.
Ministerip Kinameersup, angalaqataasalu, Naalakkersuisut siulittaasuat, Kuupik Kleist, aamma Inuussutissarsiutinut Aatsitassanullu Naalakkersuisoq, Ove Karl Berthelsen, ippassaq marlunngornermi ulloqeqqasioqatigaat. Tamatuma kingorna Pinngortitaleriffik Ilimmarfillu pulaarneqarput.
Ministerip Ove Karl Berthelsen ullumi ataatsimeeqatigissavaa.